Lista Serbe ka lëshuar një deklaratë ku dënon fjalët me të cilat avokati Tomë Gashi, u është adresuar serbëve në Info Magazine të Klan Kosovës të enjten.
Gashi i ka quajtur serbët “shkije”, një term që merret si ofendues.
Lista Serbe i ka kërkuar Gashit që të kërkojë falje.
“Gashi, si një njeri i arsimuar dhe një avokat, ju duhet të dini se çfarë pasoja mund të shkaktojnë këto deklarata të turpshme”, thuhet në reagimin e Listës Serbe, njofton Klan Kosova.
“Ky është fjalim i pastër i urrejtjes me qëllim për të provokuar serbët gjatë një prej festave tona më të shenjta. Në emër të popullit serb në Kosovë kërkojmë një falje publike”.
