Lista Serbe reagon ndaj vendimit të PZAP-it për të përjashtuar nga rezultatet votat e ardhura nga Serbia

Lista Serbe ka reaguar pas vendimit të PZAP-it për të përjashtuar nga rezultatet votat e ardhura nga Serbia si dhe për rinumrimin e  1,472 vendvotimeve.

“Rezultati i llogaritjeve politike, pjesë e të cilave është një “farsë shoviniste” me numërimin e votave të serbëve të zhvendosur me disa skafandra, shpjegoi se çfarë kishte për synim të tregojë në fund me miratimin e vendimit të Panelit të Zgjedhjeve për të refuzuar të gjitha votat e serbëve të zhvendosur.

Në njoftimin e saj, Lista Serbe i kujton publikut se i njëjti panel ankesash tashmë ka refuzuar dy herë kërkesat për këto vota.

“Pasi u bë e qartë se pothuajse se të gjitha këto vota i përkasin Lista Serbe, në Prishtinë dolën me idenë e anulimit të atyre votave. Vendimi për të mos lejuar serbët e zhvendosur të drejtën të zgjedhin se kush do të përfaqësojë interesat e tyre dhe të luftojë për kthimin e tyre është thjesht i motivuar politikisht dhe nuk ka asnjë bazë ligjore. Sidomos nëse të gjithë e dimë se zërat e të zhvendosurve kanë ardhur gjithmonë në të njëjtën mënyrë, por këtë herë është e qartë se personave të zhvendosur duhet t’u tregohet se nuk janë të mirëpritur dhe se si serbë ata mund të konsiderojnë se të drejtat e tyre nuk do të respektohen “, thuhet në deklaratë.

Ndër të tjera LS shton se “edhe me “këtë dhunë politike”, Lista Serbe ka gjithsej dhjetë mandatet në duar, bazuar në vullnetin e shprehur në mënyrë demokratike të popullit serb”./kp/Telegrafi/