I deklaruar kundër projektligjit për shëndetin seksual dhe riprodhues, ish-ministri i Shëndetësisë Tritan Shehu shpreson që të kundërshtohet parimisht nga të gjithë dhe të mos dërgohet në parlament.
Në studion e Ditarit me Denisa Pashollin, ai ripërsëriti qëndrimin e tij, duke theksuar se pas këtij ligji qëndrojnë grupet kriminale mafioze brenda dhe jashtë vendit për të krijuar në Shqipëri një fermë të uteruseve dhe fetuseve me qëllim përfitimi.
“Ky nuk mund të jetë ligj teknik, se lidhet me konceptin e familjes, të drejtën dhe diskriminimin e gruas, së fetusit, të fëmijës, konceptet e prindit në tërësi që familja përbëhet nga nëna dhe babai dhe fëmijët dhe jo nga prindi 1, 2, lidhet me elementë socialë dhe ha debate politike. Nuk është teknikë mjekësore e thjeshtë”, tha Shehu.
“Është diçka që prek natyrën njerëzore, parimet bazë të familjes dhe për mendimin tim është hedhur e sponsorizuar për t’u përdorur nga grupe mafioze, për të krijuar në Shqipëri një fermë të uteruseve, fetuseve që shpërndahen. Është më e thellë se ana mjekësore. Së dyti ana mjekësore. Uterusi nuk është kasafortë bankare, është organ biologjik i rëndësishëm ku bëhet ndërlidhja midis fetusit e nënës që e ka në bark. Fëmija krijon afinitet të ndërsjellë, fëmija njeh zërin e nënës, e cila shprehet me lëvizjet e fëmijës rrahjet e zemrës fëmija njeh ambientin e jshtëm nëpërmjet nënës”, shtoi ai.
Sipas Shehut, të dy kolonat e këtij ligji nëna surrogato dhe lehtësimi i procedurave të aborteve, janë kriminale, në një kohë kur shoqëria shqiptare, sipas Shehut nuk e kërkon një gjë të tillë dhe Parlamenti Europian e cilëson kriminale.
“Ligji ka dy elementë kryesore; uterusin me qira apo surrogato dhe lehtësimin e procedurave të aborteve. Të dy kolonat e ligjit janë kriminale, bien ndesh me të drejtat njerëzore dhe ekspozojnë gruan e fetusin. PE miratoi një rezolutë që e konsideron kriminal uterusin me qira. Pse hidhet sot ky ligj që nuk ka asnjë shtytje e interes nga publiku shqiptar, kur ka shumë elementë të tjerë që lidhen me jetën e vdekjen. Shqipëria ka shumë probleme. Ajo që ka funksionuar është kriminale. Ka funksionuar kundrejt pagesave të larta deri në 60 mijë euro për ata që e kanë bërë. Sa gra shqiptare do blejnë uterus? Numri do të jetë minimal. Po kërkohet të hapet treg ndërkombëtar në Shqipëri në funksion të bandave kriminale që u sjell atyre fitime”.
Shehu thekson se ky ligj bie ndesh me parimet universale të familjes dhe duhet rrëzuar në parim, pasi në të kundërt do të pasohet me ligje të tjerë si ai i martesave homoseksuale me pasoja të rënda për shoqërinë.
“Ky ligj bie ndesh me të drejtën, dinjitetin e fëmijës, fetusit dhe gruas. Ky ligj duhet rrëzuar në parim. Në shoqërinë shqiptare nuk ka asnjë kërkesë të tillë futet një ligj artificial. Është në bashkëpunim me grupe kriminale brenda dhe jashtë vendit. Shoqëria nuk mund ta pranojë këtë gjë se shkelet norma thelbësore, dhe do pasohet me ligjin e martesave homoseksuale. Duhet t’i qëndrojmë fort në parim këtyre ligjeve që të mos kemi pasoja të rënda për shoqërinë tonë”.
Kriminal Shehu e quajti edhe abortin, sipas të cilit qeveria duhet të mbështesë politikat pro lindshmërisë.
“Lindshmëria ka rënë, ku niveli minimal duhet të jetë 2.1 lindje për një grua. Duhen politika pro lindjes. Aborti është mjet kriminal vrasës. Është ligj kriminal. Kemi nevojë për të mbajtur e rritur popullsinë, për të mbështetur gruan, për t’u bërë nënë. E drejta universale e gruas nuk është aborti, por të bëhet nënë dhe duhet mbështetur me të gjitha politikat. Ligji në tërësi është gabim. Duhet hedhur poshtë dhe nëse ka nevojë të përmirësohet legjislacioni aktual. Shpresoj të ketë tërheqje dhe të mos sillet në parlament ky ligj. Të gjithë duhet ta ndjejnë veten të ofenduar”.
Promo
Reklamo këtuLufta Prigozhin - Putin
Më shumëNga Rubrika
Humb kontrollin e mjetit dhe bie në Lumin Lana, vdes shoferi
“Jam Taulant Balla. Më duhen urgjent 100 mijë euro”, biznesmeni në Shqipëri bie pre e mashtrimit
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Server: Qeveria e re e Serbisë me bashkëpunëtorë të sulmit terrorist të Banjskës
Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City