Kalimi i viteve ia ka shuar entuziazmin revolucionar, derisa ia zbardhi edhe flokët e errëta. Njëri prej liderëve të studentëve iranianë që e udhëhoqi sulmin ndaj ambasadës së Shteteve të Bashkuara, thotë se është penduar për “pushtimin” e kompleksit diplomatik dhe krizën 444 ditore me pengje.
Duke folur për Associated Press, përpara 40-vjetorit të “sulmit të së hënës”, Ebrahim Asgharzadeh pranoi se pasojat e krizës janë ende të dukshme, pasi tensionet mbesin të larta midis Shteteve të Bashkuara dhe Iranit, transmeton Telegrafi.
Asgharzadeh i paralajmëroi të tjerët të mos ndjekin gjurmët e tij, megjithëse pranoi se me veprat që kreu është bërë pjesë e mitologjisë.
Ai gjithashtu kundërshton historinë revizioniste, që tani ofrohet nga përkrahësit e Gardës Revolucionare të Iranit, se ata e drejtuan sulmin, duke këmbëngulur se e gjithë faji mbetet te studentët islamikë që e lëshuan krizën të dilte jashtë kontrollit.
“Ashtu si Jezu Krishti, unë i mbaj mbi supet e mia të gjitha mëkatet”, tha Asgharzadeh.
Në atë kohë, për amerikanët ishte e panjohur se çfarë ndikoi në sulmin ndaj ambasadës, ndërsa me muaj vetëm mund të shikonin të tmerruar në televizion protestat para ambasadës.
Zemërimi popullor kundër Shteteve të Bashkuara, ishte rrënjosur me grushtin e shtetit të iniciuar nga CIA në vitin 1953, që e rrëzoi kryeministrin e zgjedhur të Iranit dhe çimentoi fuqinë e Shah Mohammad Reza Pahlavi.
Shahu i sëmurë, u largua nga Irani në shkurt të vitit 1979, duke i hapur rrugën Revolucionit Islamik. Për muaj të tërë, Irani u përball me trazira të gjera, duke filluar nga sulmet separatiste, revoltat e punëtorëve dhe luftërat e brendshme të pushtetit.
Në këtë boshllëk qeverisës, Presidenti i atëhershëm Jimmy Carter i lejoi shehut të kërkonte trajtim mjekësor në New York.
Kjo bëri që të nxiten protestat dhe më katër nëntor të vitit 1979, të fillojë edhe “pushtimi” ambasadave, megjithëse në fillim nuk dihej se cila ambasadë të sulmohej më parë, duke sugjeruar që të sulmohej ajo sovjetike.
“Shoqëria ishte e gatshme që kjo të ndodhte. Gjithçka ndodhi aq shpejt”, tha Asgharzadeh. “Ne kemi prerë zinxhirët në portën e ambasadës. Disa nga ne, u ngjitën në mure dhe e “pushtuam” shumë shpejt kompleksin e ambasadës. ”
Sikur ish-studentët tjerë edhe ai kishte menduar, se ambasada do të “pushtohej” përkohësisht dhe të ndalohej puna në të, mirëpo situata doli jashtë kontrollit.
Ayatollah Ruhollah Khomeini, kleriku shiit i mërguar gjatë, kthimi i të cilit në Iran nxiti revolucionin, i dha mbështetje të madhe “pushtimit” të ambasadës.
“Ne, studentët, marrim përgjegjësinë për 48 orët e para të “pushtimit” të ambasadës”, ka thënë Asgharzadeh. “Më vonë, situata nuk ishte në duar tona, pasi Udhëheqësi Suprem Ayatollah Ruhollah Khomeini dhe institucioni që e udhëhiqte e mbështesnin bllokadën.”
Sipas tij, plani për sulme ishte jo profesionist dhe i përkohshëm, ndërsa pendohet që kjo ndryshoi përgjithmonë gjendjen në Iran. /Telegrafi/
Lufta Prigozhin - Putin
Më shumëPse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Zelensky paralajmëron për një "Çernobil të dytë"
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Franca dhe Gjermania nënshkruajnë marrëveshjen miliarda euroshe mbi një projekt armësh
SHBA fillon ndërtimin e bazës lundruese në brigjet e Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre