LG ka bërë të ditur datën kur do ta lansojë smartfonin Velvet

Janë bërë disa javë, që kur LG është duke shfaqur pjesë të smartfonit atraktiv dhe me stil Velevet, ndërsa tani ka bërë të ditur edhe datën kur do ta lansojë.

Në videon e shpërndarë, mësohet se ky smartfon do të lansohet më shtatë maj, ndërsa nuk bëhen të ditura detajet shtesë, transmeton Telegrafi.

Sikur edhe herëve të kaluara, LG është fokusuar në kamerën që e quan si pika shiu, meqë i ka vendosur katër lentet njërën pas tjetrës, duke filluar nga më e madha që ndodhet sipër.

Pasi që ka postim është bërë nga LG Korea, ka mundësia që Velvet të lansohet në fillim të muajit që vjen vetëm në Kore, ndërsa shpërndarja ën shtete tjera të bëhet më vonë.

Bazuar në raportet e mëparshme, ky smartfon do ta ketë procesorin Snapdragon 765, ndërsa do ta ketë edhe rrjetin 5G. Pamjet që e shfaqin këtë telefon, nuk shihet që ka hapësirë për kyçjen e kufjeve.

Velvet është një smartfon shumë i rëndësishëm për LG, që për një kohë nuk i ka pasur shitjet ën nivelin e duhur, derisa me këtë po përpiqet të ndryshojë mënyrën se si quhen telefonat dhe të kenë dukje sa më të mirë. /Telegrafi/