Lewandowski ka qeshur mbi tifozët e Bayernit, nuk i intereson kush mblodhi më shumë persona në “Camp Nou” dhe thumbi ndaj Realit

Robert Lewandowski ishte një nga yjet e ndeshjes së Barcelonës për trofeun “Joan Gamper” kundër Pumas të dielën, me polakun e përfshirë në gjashtë golat e skuadrës së Xavit.

Ai është i lumtur me vendimin e tij për të nënshkruar me klubin katalanas, siç shpjegoi në një intervistë të fundit menjëherë pas fitores 6-0 ndaj meksikanëve.

Megjithatë, Lewandowski është pak i trishtuar për mënyrën se si përfunduan gjërat me Bayern Munich.

Lexo po ashtu “Hala Madrid”- tifozët e Bayernit thumbojnë Lewandowskin pas lamtumirës nga klubi

“E di që lëndoi shumë tifozë”, deklaroi ai për Sport1. “Unë mund ta kuptoj këtë dhe tani kërkoj falje për këtë. Në atë kohë ishte e rëndësishme dhe e nevojshme për mua që ta bëja të qartë se isha gati për një ndryshim.

“Në fund të fundit, ne jemi të gjithë njerëz. Pas 12 vitesh në Gjermani, e kisha të qartë se koha ime kishte mbaruar. Doja ta bëja të qartë këtë dhe sigurisht që nuk ishte e lehtë për Bayernin të pranonte një shitje gjatë kësaj faze”.

“Ishte një situatë e vështirë për të gjithë të përfshirë dhe ne duhej të gjenim zgjidhjen më të mirë. Më duhej ky ndryshim, kjo lëvizje në një vend tjetër, në një klub tjetër. Ndihem si një fëmijë që ka një lodër të re”, ka potencuar ai

Lexo po ashtu Lewa, Laporta dhe levat: Barcelona rrezikon falimentimin me bastin më të madh në historinë e klubit

Disa tifozë të Bayernit bërtitën parulla pro- Real Madridit si ‘Hala Madrid’ ndaj sulmuesit teksa ai po largohej nga kampi stërvitor i Bavarezëve kur u kthye për të marrë gjërat e tij.

“Po, e kam dëgjuar dhe kam qeshur”, deklaroi ai. “Por, kishte edhe disa njerëz që bërtisnin emrin tim, ishte shumë bukur”.

“Gjatë javëve të fundit kam takuar edhe disa fansa në rrugë të cilët kanë shprehur mirëkuptimin e tyre për situatën time dhe më kanë uruar gjithë të mirat”.

Lexo po ashtu Paga e Robert Lewandowskit te Barcelona: Sa do të fitojë polaku në orë, ditë, javë, muaj dhe vit

Lewandowski foli për krenari në prezantimin e tij në Barcelonë.

“Nuk prisja kaq shumë tifozë. Nuk ka rëndësi nëse ai kishte më shumë apo më pak lojtarë të tjerë të paraqitur më parë nga Barcelona si Ronaldinho apo (Zlatan) Ibrahimovic”, shtoi ai.

“Ato ishin periudha të ndryshme gjithsesi. Është shumë bukur kur përjeton kaq shumë mbështetje direkt. Është diçka që të mbetet përgjithmonë”.

Lexo po ashtu Bëhet viral hulumtimi në Twitter se si Barcelona po ia del të realizojë transferimet e mëdha

“Gjithmonë kam dashur të luaj në La Liga, kjo ishte e qartë për mua. Dhe kur Barcelona trokiti në derë këtë herë, ata ishin opsioni i vetëm për mua”.

“Ka pasur oferta të tjera, por unë nuk kam qenë i interesuar”, ka shtuar më tej sulmuesi polak. /Telegrafi/