Leverkusen ia tregon Romës çmimin e Baileyt, xhamajkani mund të bëhet transferimi më i shtrenjtë në histori të Giallorosëve

Skuadra e madhe italiane Roma vazhdon të jetë aktive në tregun e transferimeve.

Pasi kanë transferuar emra të rëndësishëm si Pastore, Kluivert, Cristante e Coric, Giallorosët nuk e kanë ndërmend të ndalen me kaq.

Skuadra nga kryeqyteti italian është afër të nënshkruajë me kampionin e botës Steven N’Zonzi.

Por objektivi kryesor për fazën e sulmit mbetet Leon Bailey i Bayer Leverkusenit.

Roma ka kontaktuar zyrtarisht Leverkusenin për të pyetur për lojtarin dhe ka marrë përgjigje.

Klubi gjerman i ka bërë të qartë drejtorit sportiv të Romës, Monchi se e liron lojtarin vetëm nëse paguhet shuma prej 50 milionë eurove.

Roma duket e gatshme të shpenzojë kaq para për ta pasur në radhët e veta një futbollist të talentuar si Bailey.

Lexo po ashtu Të gjitha lajmet nga Leon Bailey

Në rast se Bailey vendos t’i bashkohet Romës për këtë shumë, atëherë do të bëhej futbollisti më i shtrenjtë në histori të Giallorosëve.

Për 20-vjeçarin nga Xhamajka interesim kanë shprehur edhe Chelsea, Arsenal, Manchester City e Paris Saint Germain. /Telegrafi/