I lëndohen tre portierët, skuadra e njohur evropiane detyrohet ta angazhoi një amator në portë (Foto)

Ka ndodhur një gjë e pazakontë në futbollin e Gjermanisë.

Skuadra e njohur gjermane e cila asnjëherë nuk ka rënë nga elita e futbollit, Hamburg ka probleme të mëdha me lëndime.

Sikur mos të mjaftonte se do të përballen me Borussia Dortmundin, Hamburgu ka mbetur pa asnjë portier.

E çuditshme por e vërtetë, pasi skuadrës gjermane iu janë lënduar tre portierët e ekipit të parë.

Fillimisht u lëndua portieri i dytë i skuadrës Christian Mathenia, që është i shtrirë në spital dhe është nën kujdesin e mjekëve të Hamburgut.

Por nuk ishte ndonjë panik derisa lëndim në muskulin e këmbës së djathë pësoi edhe portieri i tretë Andreas Hirzel.

Por kur të pikën të këqijat atëherë hapja derën. Lëndim në stërvitje ka pësuar edhe portieri i parë i skuadrës, Rene Adler dhe nuk do të mund të luaj të shtunën ndaj Dortmundit.

Kësisoj trajneri i skuadrës, Markus Gisdol është detyruar që të marrë dy portierët nga skuadra e dytë e Hamburgut.

Hamburg II luan në ligën amatore Regional West dhe portierët Tom Mickel dhe Tino Dehmelt do të merren në skuadrën e parë në përballjen ndaj Dortmundit.

Pas nëntë xhirove në Bundesliga, Hamburg ende është pa fitore duke marrë vetëm dy barazime dhe ka pësuar shtatë humbje. /Telegrafi/