Lëndimi i Joshuas, Eddie Hearn thotë se meçi ndaj Pulev nuk është në rrezik

Planet e Anthony Joshuas për t’u ndeshur me Kubrat Pulev në fund të këtij viti nuk janë në rrezik për shkak të lëndimit të gjurit – ka thënë Eddie Hearn.

Gjatë marshit në kuadër të fushatës ‘Black Lives Matter’ të shtunën, kampioni i unifikuar botëror i boksit kishte një mbrojtëse në gjurin e tij të majtë, pasi kishte ndier dhimbje gjatë stërvitjeve.

Mirëpo, në një prononcim për Sportsmail, promovuesi i tij ka thënë se lëndimi nuk është serioz dhe nuk do ta pengojë Joshuan që të ndeshet, edhe pse duhet të pushojë rreth katër javë.

https://www.instagram.com/p/CBGtOLSlpj1/

Hearn ka theksuar se meçi do të vazhdojë sipas planit dhe pritet të zhvillohet në tetor ose nëntor, varësisht nga gjendja me pandeminë, duke qenë se organizatorët shpresojnë që të ketë publik.

Lexo po ashtu Anthony Joshua: Pandemia e racizmit ka dalë jashtë kontrollit

Kampioni i botës në kategoritë e rënda IBF, WBA, WBO dhe IBO, duhej të ndeshej me sfiduesin e obliguar të IBF, Pulev, më 20 qershor në stadiumin e Tottenham Hotspur, por meçi është shtyrë si pasojë e krizës së coronavirusit (fillimisht për 25 korrik, ndërsa më pas për muajt e fundit të vitit).

Lidhur me lëndimin, një zëdhënës i AJ ka deklaruar: “Anthony ka ndier një therje në gjurin e tij gjatë stërvitjeve. Mbrojtësja është një masë parandaluese me këshillë të fizioterapeutëve. Do të kontrollohet më tej nga mjekët, por aktualisht nuk ka ndonjë shqetësim”. /Telegrafi/

Anthony Joshua currently marching on the Black Lives Matter protest on the high street of my home town of Watford, though strangely on crutches?? 😳 pic.twitter.com/D3PTXO4Wgv

— Dan Frost (@DannyBoyFrost) June 6, 2020

Anthony Joshua talking at a peaceful #BlackLivesMatter protest in Watford,UK. pic.twitter.com/vfgQHqUAPP

— No Context Hearn (@NoContextHearn) June 6, 2020