LAJMI I FUNDIT:

​Latifi: Gjendja e të prekurve me COVID-19 në Rahovec është stabile

​Latifi: Gjendja e të prekurve me COVID-19 në Rahovec është stabile

Rahoveci është njëra prej komunave e cila së fundit është prekur me COVID-19, me gjithsej 16 raste, prej tyre dy infermierë të infektuar në vendin e tyre të punës, ndërsa 14 të tjerë janë raste kontakti kryesisht familjarë të dy infermierëve.

Pavarësisht kësaj, kryetari i kësaj komune, Smajl Latifi, thotë se gjendja shëndetësore e të infektuarve është stabile.

“Gjendja shëndetësore e tyre paraqitet e mirë, nuk kanë simptoma edhe pse janë të konfirmuar me COVID-19. Janë 16. Dy infermierët që ishin në shërbim kanë marrë infeksione në vendin e tyre të punës, në repartin e hemodializës në Prizren, ndërsa 14 të cilët u konfirmuar mbrëmë, janë raste kontakti, kryesisht familjarë të dy infermierëve të infektuar më herët”, tha Latifi.

Në një intervistë për KP Latifi deklaroi se pacientët e konfirmuar pozitiv janë në vetizolim.

“Aktualisht ne jemi në gatishmëri, ekipet tona mjekësore janë duke i vizituar pacientët dhe kanë filluar që në mëngjese, tash po përpiqemi t’i hetojmë ose t’i marrim kontaktet eventuale që kanë mundur t’i kenë këto 14 rastet e reja që u konfirmuan mbrëmë. Të gjithë pacientët janë të vetizoluar dhe janë ndërmarrë të gjitha masat për izolimin e tyre, në mënyrë që të kemi mundësi për parandalimin e përhapjes së mëtutjeshme të coronavirusit në Rahovec”, tha Latifi.

I pari i Rahovecit thotë se gjatë kësaj periudhe pandemie, rol të veçantë i kanë kushtuar edhe pjesës sociale. Ai thotë se të gjitha familjet në komunën që ai udhëheq, janë pajisur me pako ushqimore dhe higjienike.

“Nuk ka familje që ka nevojë, nuk ka rast social që nuk është trajtuar ose që nuk ka marrë pako ushqimore, higjienike dhe mbështetje tjetër për shkak të pandemisë. Ne kemi depozituar materiale të mjaftueshme, kemi mjaft pako dhe jemi duke hulumtuar çfarëdo kërkese apo nevoje që kanë qytetarët. Qendra për Punë Sociale bashkë me komisionet e themeluara për këtë çështje, do të shpërndajnë sipas rastit dhe nevojës edhe pako të tjera”, tha Latifi.

Ndër të tjerash, ai theksoi se janë të përkushtuar maksimalisht në parandalimin e përhapjes së COVID-19, duke i ofruar shërbime të cilësisë së lartë të gjithë atyre që kanë nevojë, e posaçërisht rasteve të prekura me këtë sëmundje.

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori