Laramania mobile nga Nvidia

Përveç bishës për kompjuterët e tavolinës, GeForce GTX 680, Nvidia paraqiti edhe ofertën e çipave grafik për portativët. Linjën e re të GPU-ve mobil GeForce 600M e përbëjnë krejtësisht gjashtë çipa të dedikuar portativëve të segmenteve të ndryshëm të tregut.

Modelet GeForce 610M, GT 620M, GT 630M, GT 635M (48 deri 144 bërthama CUDA) nuk janë të bazuar në arkitekturën Kepler por në atë paraprake Fermi, por Nvidia këta çipa i ndërton në procesin prodhues prej 28-nanometrave që do të duhej të zvogëloj shpenzimin dhe nxehjen e tyre.

Procesorët grafik mobil me arkitekturën Kepler i përfaqësojnë katër modele (GT 640M LE, GT 640M, GT 650M dhe GTX 660M) me cilin rast të gjithë kanë mbledhësen 128-bitëshe të memories, 384 bërthama CUDA dhe përkrahjen për memorien DDR3 dhe atë GDDR5, ndërsa dallimet janë në taktet e punës.

Dy çipat e fundit mobil, GeForce GTX 670M dhe GTX 675M, gjithashtu janë GPU të riemëruar të arkitekturës Fermi (GTX 570M dhe 580M) dhe kanë mbledhësen e memories prej 192- dhe 256-bit dhe 336 ose 384 bërthama CUDA. Taktet e punës janë gjithashtu pak më të lartë në krahasim me modelet e serisë paraprake, e të gjithë çipat GTX ofrojnë përkrahjen për konfigurimet SLI.

Portativët me GeForce çipat e rinj qysh tani i kanë paralajmëruar prodhuesit e shumtë, e disa këta GPU po i instalojnë edhe nëpër ultrabookët e tyre, sikurse që është rasti me modelin Timeline Ultra M3 të Acer i cili vjen me GeForce GT 640M. /Telegrafi/