Labi shpërndan lajmin e doktorëve që nuk po besojnë në ekzistencën e coronavirusit: Nuk e thash unë por mjekët, po dalin të gjitha me kohë

Këngëtari i njohur shqiptar, njëherësh edhe ish-deputeti i Kuvendit të Kosovës, Labinot Tahiri, sërish është përfshirë një debat për coronavirusin.

Kjo vjen pasi disa anëtarë të Aleancës Botërore të Doktorëve në ShBA po thonë se coronavirusi është thjeshtë një grip sezonal, për të cilin shërimi është i zakonshëm.

Ata madje i kanë akuzojnë politikanët se i kanë shkelur të drejtat e njerëzve dhe bizneseve përmes izolimit.

Ndërkohë, me të parë këtë në lajmet e mbrëmjes, këngëtari i cili në muajin qershor deklaroi se “nuk ka virus”, e shpërndau këtë lajm në InstaStory, duke shkruar se kjo është tashmë diçka që mjekët po e thonë dhe jo ai.

“Po pra! Ua pata shpjeguar fëmijëve të mi! Mos keni frikë, kishim viruse më të tmerrshme ne si Kosovë! E kishim Serbinë që na masakr9onte, na ndalonte bukën e gojës e ky është vetëm virus politik dhe biznes covid! Tani fëmijët e mi janë të lumtur kur shohin një babë i cili vrapon për secilin edhe nuk e ndal as zërin dhe as hapin duke iu dalë në krah atyre që nuk kanë takat me e ngrit zërin”, shkroi Tahiri.

Tutje, ai ka shkruar edhe me kunja në lidhje me laboratorët dhe shitësit e maskave, duke thënë se vet nuk posedon të tilla pasi i dhuron ato që ka falas dhe nuk e kthen këtë situatë në biznes.

“Shihni mjekët se çfarë thonë, unë nuk e thash! Një aleancë mjekësh kontestojnë ekzistencën e Covid Biznesit! Unë nuk pata laboratorë dhe as maska për të shitur, unë i dhurova ato nga paratë tona! Po dalin të gjitha me kohë, respekt”, ka shkruar Labi.

Kujtojmë që në qershor të këtij viti, Labi dhe disa kolegë të tij përfshirë këtu edhe gastronomet protestuan para Qeverisë së Kosovës me kërkesën që të mos ndalet organizimi i ahengjeve gjatë sezonit veror, por një thirrje e tillë rezultoi pa sukses. /Telegrafi/