Los Angeles Lakers kanë marrë fitoren e tretë radhazi në NBA.
Kampioni në fuqi i NBA-së ka triumfuar me rezultat të ngushtë 124:122 ndaj skuadrës më të dobët këtë edicion në elitën e basketbollit amerikan, Houston Rockets.
Vendasit kishin mungesa të mëdha pasi nuk luajtën LeBron James, Anthony Davis, Dennis Schroder e Alex Caruso.
Gjithsesi më i miri në parket në këtë fitore ishte Horton-Tucker që shënoi 23 pikë e pati 10 asistime.
Me lojë të mirë u paraqit edhe Andre Drummond me 20 pikë e 10 kërcime, derisa Kyle Kuzma shtoi 19 pikë të tjera.
Tek mysafirët dy basketbollistët më efikasë ishin Brooks e Olynyk që shënuan nga 24 pikë. /Telegrafi/Rezultatet:
Atlanta Hawks - Washington Wizards 120:116
Brooklyn Nets - San Antonio Spurs 128:116
Cleveland Cavaliers - Boston Celtics 102:94
Dallas Mavericks - New Orleans Pelicans 125:107
Utah Jazz - Portland Trail Blazers 98:105
LA Lakers - Houston Rockets 124:122
