Kylie Jenner zbulon se fëmijët e saj shoqërohen nga dy roje sigurie

Kylie Jenner e merr shumë seriozisht sigurinë e fëmijëve të saj.

Ylli i “Keeping Up With The Kardashians” ka vajzën 5-vjeçare Stormi dhe djalin 21-muajsh Aire Webster me ish-partnerin reperin Travis Scott.

Në numrin e ri të revistës Interview, ku ajo u intervistua nga aktorja e “Red Sparrow”, Jennifer Lawrence, ajo tha se ka dy roje sigurie në rotacion për t’u siguruar që të vegjlit e saj janë të sigurt.

Dhe fëmijët kanë krijuar një lidhje me agjentët e sigurimit. Jenner madje tha se vajza e saj ‘e do’ personelin e saj  të sigurisë.

Jenner, 27 vjeçe, shtoi se ajo kurrë nuk kishte roje sigurie kur u rrit me familjen e saj të famshme në Calabasas, Kaliforni, kështu që kjo ka qenë një risi edhe për miliarderen e “Kylie Cosmetics”.

Pra, kjo ishte diçka me të cilën ajo duhej të mësohej.

Biseda filloi kur ylli i “Hunger Games”, Jennifer e pyeti yllin televiziv se si reagojnë fëmijët e saj për të pasur një person tjetër me ta.

“Isha e re kur mbeta shtatzënë, por kurrë nuk kisha sigurim derisa mbeta shtatzënë”, tha ajo.

“Unë kam dy sigurime në rotacion për ta dhe ata kanë qenë me mua për mbi pesë vjet. Ajo është shumë e afërt me ta, me të cilën ndihem rehat. Ajo në fakt ka shumë dashuri për ta. Thjesht i them sigurimit tim që të mos jenë kaq seriozisht, që të kenë një marrëdhënie të mirë”, shtoi ylli.

“Po mundohem ta kuptoj gjithashtu sepse nuk kam pasur kurrë sigurim duke u rritur, kështu që nuk e di si është, por përpiqem ta bëj sa më normale dhe miqësore”, tha tutje Kylie, e cila u bë e famshme në moshë tëre me “Keeping Up With The Kardashians”.

Jennifer ndërkohë tha se fillimisht besonte se mendonte se nuk do të kishte asnjë lidhje personale me një truproje përpara se të kuptonte se ata në të vërtetë luajnë një rol vendimtar në jetën e familjes së saj.

Gjithashtu në intervistë Jenner tha se ajo bëri mini-versione të çdo pjese të koleksionit të saj të ri të veshjeve për vajzën e saj Stormi.

Ylli i Kardashians ka pasur sukses të madh me markën e saj të bukurisë “Kylie Cosmetics” dhe tani ajo po kalon në modë duke lansuar linjën e saj “Khy” – dhe vajzës së saj iu dha shansi të provonte vetë rrobat me versione të krijuara posaçërisht për fëmijë.

“Khy” u prezantua në fillim të nëntorit dhe Kylie këmbënguli se donte t’i bënte pjesët në modë të lartë dhe të përballueshme.

Lexo po ashtu Të gjitha lajmet nga Kylie Jenner

Në një deklaratë për shtyp, ajo shpjegoi: “Khy është një homazh ndaj mundësive të pakufishme të modës. Ne po thyejmë barrierat dhe do të ripërcaktojmë kuptimin e një marke stilisti, me kreativitet dhe cilësi me një çmim më të mirë.

“Doja ta bëja Khy një platformë për klientët tanë që të kenë mundësinë të përjetojnë modën, përmes stilistëve dhe markave të reja, por me një çmim më të arritshëm”, tha Jenner.

Kylie më parë e vlerësoi të bijë e saj, Stormin si një nga frymëzimet e saj për koleksionin e veshjeve. /Telegrafi/