Kylie Jenner rikthehet në rrjetet sociale pas mungesës disajavëshe si pasojë e tragjedisë në Astroworld

Kylie Jenner është rikthyer në Instagram pasi bëri një pushim shtatëjavor pas festivalit vdekjeprurës Astroworld, ku u shfaq edhe partneri i saj, Travis Scott.

Bukuroshja ka postuar një fotografi të vjetër të nënës së saj, Kris Jenner, në të cilën shfaqet duke pozuar pranë oxhakut.

Me këtë rast, 24-vjeçarja ua ka uruar festën e Krishtlindjes ndjekësve të saj, ndërsa fansat nuk e fshehën kënaqësinë për kthimin e Kylie në rrjetet sociale.

“Na ke munguar ti dhe Stormi”; “Po, më në fund po kthehet”; “Mirë se erdhe” – janë vetëm disa nga komentet poshtë postimit. “Si është Travis?” – pyeti një nga fansat e shqetësuar.

Lexo po ashtu “Dikush po vdes” - momenti kur Travis Scott ndaloi performancën në “Astroworld” pasi vërejti se diçka nuk po shkonte

Jenner postoi për herë të fundit në Instagramin e saj në fillim të nëntorit kur mori pjesë në një lojë bejsbolli me vajzën katërvjeçare, Stormi.

Kylie dhe Scott u tërhoqën nga mediat sociale pasi 10 të rinj humbën jetën në festivalin Astroworld më 5 nëntor, ku performoi edhe Travis. Krahas të vdekurve, 25 të tjerë u shtruan në spital dhe rreth 300 u trajtuan në vendngjarje.

@gaga1x

#fyp #foryou #xyzbca #travisscott #rap

♬ original sound – Gaga

Që atëherë, Travis është përballur me dhjetëra padi. Pavarësisht se u tërhoq nga sytë e publikut, Scott dhuroi më shumë se 2.000 dhurata për fëmijët në Houston.

Lexo po ashtu “Astroworld”: Komiteti i Kongresit nis hetimin për festivalin vdekjeprurës në Houston

Ai ka thënë se nuk ishte në dijeni të lëndimeve të rënda dhe pretendoi se nuk ishte në dijeni të rrëmujës fatale dhe turmës deri pas performancës së tij. /Telegrafi/