Kylian Mbappe u kërkon falje të gjithëve pas kartonit të kuq, fillimisht Blancos – pastaj edhe bashkëlojtarëve

Kylian Mbappe mori karton të kuq për një goditje të fortë ndaj Antonio Blancos gjatë fitores të Real Madridit kundër Alaves me rezultat 1-0.  

Sulmuesi francez e kuptoi menjëherë gabimin e tij dhe bëri përpjekje për ta korrigjuar.  

Sipas AS, Mbappe shkoi direkt në dhomat e zhveshjes së Alaves pas ndeshjes për t’i kërkuar falje Blancos. 

Mbappe iu drejtua edhe bashkëlojtarëve të tij të Real Madridit, duke shprehur keqardhjen që i la pa një lojtar në fushë.  

Veprimet e sulmuesit u nxitën nga zhgënjimi, veçanërisht pasi ky ishte kartonin i tij i parë i kuq që nga viti 2019.  

Pavarësisht pengesës, Real Madrid ishte me fat, me Alaves që humbi gjithashtu një lojtar, pasi Manu Sanchezit iu dha një karton i kuq më vonë në ndeshje. 

Lexo po ashtu Ja sa ndeshje pritet të mungojë Kylian Mbappe pas kartonit të kuq ndaj Alavesit

Blanco e pranoi faljen e Mbappes pa asnjë problem, me mesfushorin e Alaves që shpjegoi bisedën më francezin.  

“Ishte një ndërhyrje e fortë. Unë fola me Kylian, ai kërkoi falje dhe nuk ka asnjë problem. Këto janë veprime që mund të ndodhin në futboll”, deklaroi ai. /Telegrafi/