“25 korriku është dita e bashkimit territorial të Republikës së Kosovës, e sakrificës së madhe për të ruajtur de fuqizuar integritetin territorial dhe e varrosjes përgjithmonë të idesë shekullore të Serbisë për ndarjen e Kosovës”, theksoi kryeministri Thaçi.
Në familjen e dëshmorit Enver Zymberi, Thaçi ka thënë se çdo ecje përpara dhe çdo sukses që kemi arritur lidhet drejtpërdrejt me emrin dhe heroizmin e Enver Zymberit .
“Ky është nderimi shtetëror që i bëhet veprës së Enver Zymberit dhe ne si institucione do të jemi gjithmonë pranë familjes së heroit Enver Zymberit, fëmijëve të tij . Emri i Enverit do të mbetet burim frymëzimi për hapat tone të ardhshëm për të fuqizuar, por dhe konsoliduar shtetin tone të ri”, theksoi kryeministri Thaçi. /Telegrafi/
