I akuzuari për vrasjen e Donjeta Pajazitajt nga Strellci i Deçanit, Naser Pajazitaj, u deklarua i pafajshëm në akuzën për vrasje pasi dëgjoi nga prokurorja e rastit, Valbona Haxhosaj, akuzat me të cilat ngarkohet.
Në paraqitjen e parë para gjykatës Nasrer Pajazitaj i akuzuar për vrasjen e Donjeta Pajazitit ka mohuar çdo lidhje me këtë vrasje
“Absolutisht nuk kam të bëj me ketë vrasje as me këtë njollosje. Me vjen turp prej organeve të hetuesisë edhe prej prokurorie që më kanë njollosur familjarisht me një njeri që s’kam pasë kurrë të bëjë me ma të voglin problem,” tha i akuzuari.
Por me këto pretendimet e të akuzuarit nuk pajtohet prokurorja Valbona Haxhosaj. Në aktakuzën e saj Haxhosaj pretendon se Pajaziti është përgjegjës për vrasjen
“I akuzuari Naser Pajazitaj dyshohet se me datë 09.11.2015, rreth orës 14:30, në bjeshkët e Strellcit, pikërisht tek kroni i quajtur “Kroni i Lajthisë”… me dashje dhe me armë të tipit të panjohur në mënyrë mizore e ka privuar nga jeta viktimën Donjeta Pajazitaj nga po i njëjti fshat”, tha prokurorja Haxhosaj.
Aktakuza thotë se derisa Donjeta Pajazitaj ishte duke shkuar në punë, i akuzuari kishte ndalur veturën dhe e kishte marrë atë “duke ecur në këmbë në drejtim të fshatit Strellc i Epërm”.
“Kur arrin te “Kroni i Lajthisë” fillimisht e privon me armë dhe duke shtënë dy herë në kokë e me pas për të humbur gjurmë të njëjtën e mbulon me disa drunj, dhe largohet nga vendi i ngjarjes”, tha prokuroria.
Përveç veprës penale të vrasjes së rëndë, Naser Pajazitaj akuzohet edhe për dy vepra tjera të armëmbajtjes pa leje.
I akuzuari i pranoi pjesërisht dy pikat e fundit të akuzës pasi njërën nga armët e kishte me leje, por me afat të skaduar.
Gëzim Kollçaku, avokat i të akuzuarit, tha se aktakuza është e ngritur pa asnjë provë ndaj Naser Pajazitajt.
Kollçaku tha se me shkrim do ta kundërshtojë aktakuzën dhe do kërkojë hedhjen e saj.
“Kjo aktakuzë është ngritë por pa asnjë provë materiale. 18 muaj kanë qenë hetimet, prokurorja e ka parë që është tu dështu hetimet, nuk ka prova, se krejt provat tregojnë dika tjetër. Atëherë për mos m’i dështu hetimet e ka ngrit aktakuzën”, tha avokati Kollçaku.
Ai shtoi se gjatë shqyrtimit gjyqësore do vërtetohet pafajësia e të akuzuarit Naser Pajazitaj.
Kurse, gjyqtari i rastit, Sylë Lokaj, tha se pasi që pala mbrojtëse ta dorëzojë me shkrim kundërshtimin e aktakuzës dhe prokurorja ta kthejë përgjigjen me shkrim, do të vendosë për mbajtjen e seancës së dytë të shqyrtimit fillestar. /KALLXO.com/
Lufta Prigozhin - Putin
Më shumëShqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur