Në kuadër të seancës së 126-të, Kuvendi i Maqedonisë votoi disa ligje për të cilat diskutimi kishte përfunduar.
Me 55 vota "për", 10 vota "kundër" dhe pa të "përmbajtur", Pllamenka Bojëeva u emërua drejtore e Agjencisë së Mbrojtjes së të Drejtës së Qasjes së Lirë në Informatat e Karakterit Publik, kruse Blerim Iseni u votua si zëvendës i saj, përcjell Telegrafi Maqedoni.
Me 58 vota "për", pa vota "kundër" dhe pa të "përmbajtur, Imer Aliu u zgjodh drejtor i Drejtorisë së Mbrojtjes së të Dhënave Personale, ndërsa Igor Kuzevski, si zëvendës i Aliut, me 59 vota "për", 12 "kundër" dhe pa të "përmbajtur.
Agim Rushiti u emërua drejtor i Agjencisë së Cilësisë në Arsimin e Lartë. Kuvendi miratoi Ligjin e Ratifikimit të Ujdisë ndërmjet Qeverisë së Maqedonisë së Veriut dhe Qeverisë së Serbisë që ka të bëjë me hapjen e kufirit Llojan - Miratocë.
Për shaqe protokollare, kryetari i Kuvendit, Talat Xhaferi e ndërpreu seancën e sotme. Kuvendi do t'i vazhdojë punimet të premten./Telegrafi/
