Kush jeton më së paku në botën e gjallesave? Ato ekzistojnë për 350 milionë vjet

Si i rritur, ky insekt ka jetëgjatësinë më të shkurtër të shënuar në mbretërinë e gjallesave

Mbase shumica kanë dëgjuar se “fluturat jetojnë një ditë”. Edhe pse shkenca deri më tani ka vërtetuar se ka lloje të caktuara që mund të jetojnë për një ditë – kjo nuk vlen për të gjitha.

Pra, flutura monark mund të jetojë deri në 8 muaj. Por këtu shtrohet pyetja, cila jeton më pak?

Kohëzgjatja nga 5 minuta në 24 orë

Para së gjithash, duhet theksuar se kur shkencëtarët japin një përgjigje për këtë pyetje, ata vërejnë se është e pamundur të jepet një përgjigje përfundimtare, transmeton Telegrafi.

Por kjo është e gjitha për arsye se ka ende shumë specie të pazbuluara dhe mjaftueshëm të paeksploruara, prandaj, ekziston gjithmonë mundësia që diku në jug të Patagonisë ose ndoshta në Kamchatka të ketë ndonjë organizëm që është “fituesi” në këtë kategori.

Paleontologët besojnë se ky grup insektesh u shfaq për herë të parë rreth 350 milionë vjet më parë dhe se nuk ka ndryshuar shumë që atëherë.

Megjithatë, bazuar në atë që dihet, dhe sipas Portalit të Biodiversitetit të Departamentit të Burimeve Natyrore të Gjeorgjisë, mizat e peshkut kanë jetëgjatësinë më të shkurtër si individë të rritur.

Këto insekte ujore konsiderohen si insektet më të vjetra dhe më fillestare me krahë, që jetojnë pranë kënetave dhe pellgjeve. Me faktin se jeta e këtyre larvave zgjat rreth 2 vjet dhe zhvillohet nën sipërfaqen e ujit, jeta e rritur e individit reduktohet në më pak se 24 orë, me faktin se shumë prej tyre nuk jetojnë as më shumë se 5 minuta.

pic.twitter.com/Q8yE5FovPt

— Dr. Heather Hinam ?️?? (@SecondNatureMB) July 2, 2023

Për shkak se ata nuk kanë një sistem funksional të gojës ose të tretjes – jetojnë nga rezervat e energjisë që kanë krijuar si larva – këto insekte kanë më shumë hapësirë për vezët e tyre të vogla gjatë çiftëzimit. Disa ekzemplarë madje mund të përmbajnë deri në 10,000 vezë në trupin e tyre, dhe mjaft shpesh ato gjenden edhe në kokat e femrave. Në këtë mënyrë, mizat e peshkut mund të shfrytëzojnë sa më shumë jetëgjatësinë e tyre të shkurtër dhe të riprodhohen.

Kur bëhet fjalë për vertebrorët, Eviota sigillata, një lloj peshku detar nga familja Gobiidae, i shpërndarë në ujërat tropikale, ka jetëgjatësinë më të shkurtër. Ata banojnë në shkëmbinj nënujorë koralorë dhe gjatë kësaj kohe ata jetojnë maksimumi 59 ditë, nga të cilat jo më shumë se dy javë si të rritur.

 #goby #TeamFish #underwatervideo pic.twitter.com/irmCq30ERU

— Klaus Stiefel (@Pacificklaus) August 29, 2021

/Telegrafi/