Kush e zotëron ilaçin Anti-COVID-19 Remdesivir, për sa mund të bëhet dhe sa kushton?

Ilaçi u zhvillua fillimisht kundër Ebolas, por ka treguar rezultate të mira edhe kundër COVID-19.

Më herët të mërkurën, është raportuar për disa të dhëna nga provat klinike që ofruan lajme të mira për trajtimin e COVID-19.

Në studim, pjesëmarrësit e trajtuar me një ilaç të quajtur remdesivir u rikuperuan mesatarisht 30 për qind më shpejt se sa ata që morën ilaçe të tjera.

Por kush e posedon ilaçin, për sa mund të bëhet, dhe sa kushton?

Për t’iu përgjigjur pyetjes së parë, remdesivir është në pronësi të Gilead Sciences, një kompani e bioteknologjisë amerikane.

Gilead mori patentën e saj të parë për ilaçin në vitin 2017 kur kompania fillimisht ishte duke e synuar trajtimin e mundshëm të virusit Ebola, transmeton Telegrafi.

Për t’iu përgjigjur pyetjes së dytë, Gilead njoftoi në prill se kishte grumbulluar prodhimin e remdesivirit në fabrikën në La Verne, Kaliforni, në janar, dhe deri në fillim të prillit, ajo kishte grumbulluar tashmë mjaftueshëm doza për të trajtuar 140,000 pacientë.

Kompania gjithashtu tha se planifikon të prodhojë remdesivir të mjaftueshëm për të trajtuar 500,000 pacientë deri në tetor dhe një milion pacientë deri në fund të vitit 2020.

Më në fund, lindi pyetja se sa do të kushtojë. Deri më sot, ne nuk e dimë se sa ka ndërmend Galaad t’i vendosë çmimin ilaçit për SHBA-në ose diku tjetër.

Në letrën e drejtorit Daniel O’Day në prill tha se kompania po siguron furnizimet pa asnjë kosto, për të trajtuar pacientët me simptomat më të rënda të COVID-19.

Një studim i fundit i botuar në Journal of Virus Eradication përpiqet të analizojë koston e remdesivir të prodhimit.

Autorët shikuan sintezën kimike të ilaçit dhe arritën në përfundimin se për një trajtim 10-ditor për një person do të kushtonte 9 dollarë.

Sidoqoftë, se sa i kushton Gileadit që në të vërtetë të prodhojë ilaçin është e panjohur. /Telegrafi/