Kreu i Lëvizjes Vetëvendosje, Albin Kurti ka folur për takimin me kryeministrin shqiptar, Edi Rama.
Kurti thotë se e beson Kryeministrin Rama që nuk e mbështet shkëmbimin e territorit.
“Kishim një takim 5 orësh, kishim një ndeshje miqësore 5 oreshë, e cila u ndërpre për 45 minuta kur erdhi Depardie. Më pas ne vazhduam për temat e rëndësishme për Shqipërinë e Kosovën e të dyja bashkë”, tha ai.
Kurti foli edhe për mospajtimet me Ramën.
“Kryeministri nuk e mbështet shkëmbimin e territorit, territori nuk është mall për shkëmbim. Besoj se pavarësisht me kryeministrin e Shqipërisë mund të kemi dallime e të përbashkëta na imponojnë që të bashkëpunojmë si dy qeveri më mirë. Ashtu më tha dhe ashtu dua dhe më duhet të besoj”, tha Kurti në ABC News.
