LAJMI I FUNDIT:

Kurti: Nga sot filloi zvogëlimi edhe për 25% të tjera i pranisë së policisë së Kosovës në tri ndërtesat e komunave në veri

Kurti: Nga sot filloi zvogëlimi edhe për 25% të tjera i pranisë së policisë së Kosovës në tri ndërtesat e komunave në veri

Kryeministri i vendit, Albin Kurti ka thënë se sot kanë filluar zvogëlimin edhe për 25% të tjera të pranisë së policisë së Kosovës në tri ndërtesat e komunave në veri të vendit tonë.

Kurti ka pohuar se ky zvogëlim i numrit të policisë vjen pas vlerësimit të gjendjes së sigurisë nga mbledhja e Policisë, EULEX dhe KFOR, transmeton Telegrafi.

“Kjo vjen pas vlerësimit të gjendjes së sigurisë nga mbledhja që pardje mbajtën drejtues të Policisë së Kosovës me EULEX-in dhe KFOR-in. Pra, siguria është e mirë, situata është e qetë, dhe mund ta zvogëlojmë ca praninë e policisë sonë. Sundimi i ligjit dhe rendi publik po mirëmbahen gjithnjë e më shumë e më mirë. Janë bërë rreth një muaj e gjysmë që nuk kemi incidente të theksuara e protesta të dhunshme. Falënderojmë policinë dhe qytetarët pa dallim për bashkëpunimin dhe korrektësinë”, ka shkruar Kurti në Facebook.


Tutje ai ka shtuar se “ashtu qysh kemi thënë para më shumë se dy muajve: 1) nuk do të ketë zvogëlim të përnjëhershëm dhe as të menjëhershëm të pranisë së policisë, por vetëm gradual e proporcional; 2) zvogëlimi vlen për praninë policore në ndërtesat komunale dhe rrethinat e tyre, e jo për veriun e vendit, ku ka ende sfida e punë për sundim të plotë të rendit e ligjit”.

Policia e Kosovë zvogëlon numrin e pjesëtarëve në objektet komunale në veri
Lexo po ashtu Policia e Kosovë zvogëlon numrin e pjesëtarëve në objektet komunale në veri

Kryeministri ka pohuar se po zbatojnë me përgjegjësi dhe seriozitet, sinqeritet dhe kujdes, marrëveshjen e Bratisllavës nga 10 korriku 2023 në funksion të kërkesave të BE-së nga 3 qershori 2023 për de-eskalim.

“Konstatimi i përbashkët me faktorët ndërkombëtarë për përmirësimin e dukshëm të nivelit të paqes dhe sigurisë në veri dëshmon për de-eskalim të qartë. Njëkohësisht, ne jemi vigjilent për ri-eskalimin potencial që mund të vijë nga deklaratat që nxisin urrejtje dhe agresiviteti politik e shtetëror i fqinjit tonë verior”.

Ftojmë qytetarët që të mos bien pre e dezinformatave të ndryshme, prej atyre që janë pasojë e keqkuptimit, moskuptimit a keqinterpretimit të situatës dhe zhvillimeve e deri tek ato që janë dëshira anti-qeveritare të transmetuara publikisht si lajme faktike. Lufta hibride kundër Republikës së pavarur të Kosovës dhe qeverisë së saj demokratike e progresiste do të dështojë”. /Telegrafi/

Në trend Lajme

Më shumë
Kosova ndalon importin e mishit të pulës nga Brazili

Kosova ndalon importin e mishit të pulës nga Brazili

Lajme
Një grua dhe një vajzë e mitur humbin jetën në një aksident trafiku në Fushë Kosovë

Një grua dhe një vajzë e mitur humbin jetën në një aksident trafiku në Fushë Kosovë

Kronika e Zezë
“Të largohen karbohidratet e thjeshta dhe yndyrat jo të mira”, “Vitamina D nuk duhet të jetë assesi e ultë” – flet nutricistja Albulena Shabani Ilazi

“Të largohen karbohidratet e thjeshta dhe yndyrat jo të mira”, “Vitamina D nuk duhet të jetë assesi e ultë” – flet nutricistja Albulena Shabani Ilazi

Shëndetësi
Vazhdojnë hetimet për rastin ku foshnja u gjet pa shenja jete në një deponi mbeturinash në Prishtinë

Vazhdojnë hetimet për rastin ku foshnja u gjet pa shenja jete në një deponi mbeturinash në Prishtinë

Kronika e Zezë
Zhvarrosja e heronjve të UÇK-së: Dëshmori kishte municione me vete në varr

Zhvarrosja e heronjve të UÇK-së: Dëshmori kishte municione me vete në varr

Lajme
I përfshirë në trafik droge dhe plagosje, kush ishte 29-vjeçari që u ekzekutua mbrëmjen e kaluar në Durrës

I përfshirë në trafik droge dhe plagosje, kush ishte 29-vjeçari që u ekzekutua mbrëmjen e kaluar në Durrës

Lajme
Kalo në kategori