Ky tekst është një kujtesë e vogël për të gjithë ata që, edhe në periudhat më të zëna e më të paqarta, duan të mos e humbasin veten
Ndonjëherë jeta na befasojnë me kthesa të papritura. Ditët e mira dhe sfidat vijnë e ikin, ndërsa ne shpesh harrojmë gjënë më të rëndësishme: të mbajmë qetësinë dhe ekuilibrin me veten.
Ne, vazhdimisht përballemi me ulje-ngritje të ndryshme. Udhëtimi ynë është si një tren i shpejtë, por është po aq e rëndësishme që, edhe kur gjithçka përshpejtohet, të ruajmë qetësinë dhe ekuilibrin tonë. Ka ditë kur mendojmë se gjërat po na shkojnë keq, kur planet nuk dalin ashtu siç i kemi imagjinuar.
Pikërisht në ato ditë që vullneti dhe optimizmi ynë vihen në provë, është e rëndësishme të shpëtojmë nga humnera e dëshpërimit dhe nga mendimet negative.
Pavarësisht nëse jeni përgjegjës për dështimin apo nëse janë rrethanat apo njerëzit e tjerë, mos kërkoni fajtorin, por përpiquni të përqendroheni te zgjidhjet. Kapërcimi i situatave të vështira dhe rrethanave negative është një nga aftësitë më të rëndësishme të jetës, transmeton Telegrafi.
Kur mendoni se gjithçka në jetën tënde po shkon keq, mbani mend tri mendimet e mëposhtme dhe vazhdoni tutje:
1. Para se të ndërtoni diçka të re, shpesh duhet të shkatërroni të vjetrën
Kur jeta me të cilën jemi mësuar pushon së duket e njëjtë, ndonjëherë duhet të kuptosh nëse ia vlen t'i rezistosh ndryshimit. Disa njerëz shpesh jetojnë me inerci dhe nuk e tolerojnë mirë ndryshimin.
Duhet ta pranojmë që në jetë ndryshimet ndodhin shpesh pa paralajmërim dhe një ndryshim mund të tërheqë pas vetes të tjerë. Për më tepër, disa ndryshime që fillimisht na duken të frikshme, mund të rezultojnë jashtëzakonisht të mira për ne.
Për shembull, kur një nga miqtë tuaj më të mirë ju tradhton, kjo është padyshim një përvojë e dhimbshme. Megjithatë, ajo sjell me vete një mësim të rëndësishëm: të mendoni më mirë për njerëzit që ju rrethojnë. Pikërisht pas një zhgënjimi të tillë, mund të vijë dikush tjetër që ta pasurojë jetën tuaj më shumë se ai mik i vjetër.
2. Çdo periudhë është vetëm një nga shumë fazat e jetës
Jeta ndahet në shumë periudha të ndryshme. Disa ditë janë të mbushura me ngjyra të gjalla, të ndritshme e të gëzueshme - e disa të tjera janë të zymta e sfiduese. Në këto momente, është me rëndësi të kujtojmë se sa herë janë ndërruar stinët e jetës sonë dhe shpesh, pas ditëve të vështira, vjen diçka e mirë, edhe më e bukur.
3. Trajtojeni veten si mik
Kur diçka shkon keq, shumë njerëz bien në grackën e vetëkritikës së tepruar dhe zemërimit ndaj vetes. Të menduarit me maturi dhe puna me gabimet tona është, sigurisht, një gjë e shëndetshme, por gjithmonë duhet të kemi kujdes të mos e kalojmë kufirin.
Pyeteni veten: Nëse silleni me veten ashpër kur gaboni, si do të silleshit me një mik? Është e vështirë të imagjinohet që do të bërtisnit ose do të zemëroheshit me një mik pikërisht atëherë kur ai ka më shumë nevojë për mbështetje. Prandaj, është në rregull të ndërgjegjësoheni për gabimet, por mos e lejoni veten të bini në dëshpërim, mësoni prej tyre dhe ecni përpara.
Në fund, mos harroni: ndryshimet vijnë papritur, periudhat e vështira kalojnë, dhe më e rëndësishmja është të silleni me veten si me një mik të mirë. Vetëm kështu mund ta udhëhiqni jetën tuaj me më shumë qetësi dhe qëndrueshmëri. /Telegrafi/
