Kulusevski kreu një pjesë të ekzaminimeve mjekësore para shkuarjes në Londër

Sipas mediave italiane, Dejan Kulusevski i është nënshtruar një pjesë të ekzaminimeve mjekësore para se të nisej për në Londër që ta kompletojë transferimin te Tottenham Hotspur së bashku me Rodrigo Bentancur.

Ish-drejtori i Juventusit, Fabio Paratici, ka arritur marrëveshje të dyfishtë me klubin e vejtër për t’i dërguar dy futbollistët te Spursat.

Kulusevski do të huazohet për një vit e gjysmë për pesë milionë euro, me obligim blerjeje për 35 milionë euro të tjera, në rast se Tottenhami kualifikohet në Ligën e Kampionëve dhe nëse ai luan së paku në gjysmën e ndeshjeve.

Në bazë të njoftimeve nga eksperti i Sportitalia dhe Gazzetta dello Sport, Alfredo Pedulla, Kulusevski vendosi të kursente kohë dhe iu nënshtrua një pjese të testeve mjekësore në Torino.

#Kulusevski partenza per Londra slitta alle 20, ma ha già fatto una parte delle visite per il #Tottenham a #Torino

— Alfredo Pedullà (@AlfredoPedulla) January 30, 2022

Pas arritjes në Londër, ai të nesërmen (e hënë) do ta kompletojë transferimin te klubi anglez.

Lexo po ashtu Kulusevski udhëton sot drejt Londrës për të kompletuar transferimin te Tottenhami

Atje do ta shoqërojë edhe Bentancur, i cili do të shihet për 19 milionë euro dhe gjashtë milionë të tjera në formë shtesash (ndërsa 30 për qind të tyre, Juve ia ka borxh Boca Juniors). /Telegrafi/