Ku ishte Messi kur bashkëlojtarët e tij tek Argjentina bënë thirrje raciste nga autobusi i ekipit?

Argjentina u kthye në shtëpi të hënën në mbrëmje për të festuar mbrojtjen e suksesshme të titullit në Kupën e Amerikës. Një gol i vetëm nga Lautaro Martinez në vazhdime ishte i mjaftueshëm për ta mposhtur Kolumbinë në stadiumin Hard Rock në Miami, Florida.

Megjithatë, triumfi i tyre i 16-të erdhi nën një re të errët pasi disa nga lojtarët e tyre u filmuan duke marrë pjesë në thirrjet raciste që synonin lojtarët francezë në autobusin e ekipit. Turbulencat burojnë nga momenti kur mesfushori i Chelseat, Enzo Fernandez transmetoi drejtpërdrejt lojtarët duke kënduar këngën në mediat sociale.

Kjo ka bërë që shumë të spekulojnë se cilët janë saktësisht fajtorët, por raportimet e reja nga ESPN dhe Daily Mail tregojnë se Lionel Messi dhe Alexis Mac Allister i Liverpoolit ishin mes atyre që nuk ishin të pranishëm në atë autobus.

Sipas ESPN, ndërsa bashkëlojtarët e Messit u kthyen në Buenos Aires të hënën, ai kishte qëndruar në Miami ku luan aktualisht dhe duket se nuk kishte udhëtuar në autobusin e skuadrës për në Buenos Aires.

“Messi qëndroi në Miami, ku u luajt finalja, për të trajtuar një lëndim të kyçit të këmbës së djathtë të pësuar në lojë”, thuhet në raport.

Alexis Mac Allster gjithashtu nuk ishte në autobus, sipas raportimeve në Argjentinë, ndërsa tetë herë fituesi i Topit të Artë kishte dhënë gjithashtu një përditësim mbi gjendjen e tij në Instagram, duke shkruar: “Kupa e Amerikës ka mbaruar dhe gjëja e parë që unë dua të falënderoj të gjithë për mesazhet dhe përshëndetjet”.

Lexo po ashtu Enzo Fernandez poston videon duke kënduar këngë raciste ndaj Mbappes dhe ekipit të Francës

Me Fernandez që ishte në qendër të kaosit që po shpaloset, burime pranë lojtarëve të Bluve thanë për Daily Mail se kontingjenti i tyre francez, i cili përfshin më shumë se gjashtë lojtarë, është i zemëruar me mesfushorin, ndërsa shumë prej tyre e kanë hequr nga lista e ndjekësve atë në rrjetet sociale.

Të martën në mbrëmje, Fernandez postoi një kërkim falje, e cila më pas u pasua nga një deklaratë e klubit që përshkruante nevojën për edukim. Por me lojtarët e tjerë argjentinas që po bashkohen me këngët e neveritshme, fundi mund të jetë ende i largët pasi klubet dhe organet e tjera të futbollit i nënshtrohen hetimeve të tyre. /Telegrafi/