KSHZ-ja përsëri do ta shqyrtojë Listën zgjedhore

Komisioni shtetëror zgjedhor sot në fillim të orës 13:00, do të mbajë takimin e parë të Grupit Punues për Listën zgjedhore, transmeton Telegrafi Maqedoni.

Në takim janë ftuar përfaqësuesit e institucioneve që bashkëpunojnë me Komisionin Shtetëror Zgjedhor, Ministria për Drejtësi, Ministria për Punë të Brendshme, Ministria e Punëve të Jashtme, Enti shtetëror për statistikë, Zyrën për Regjistrim për mbajtjen e numrave amë, Sekretariati për Çështje Evropiane dhe Drejtoria për Mbrojtjen e të dhënave personale, katër partitë më të mëdha politike OBRM-PDUKM, BDI, LSDM dhe PDSH, Ambasada e SHBA, delegacioni i BE-së, OSBE-së, IFES, dhe OJQ-të MOST, CIVILE, thuhet nga KSHZ.

KSHZ para anulimit të zgjedhjeve të 5 qershorit, me shumicë votash vendosi që lista është e kontrolluar dhe është pastruar dhe se Komisioni është i gatshëm të organizojë zgjedhjet.

Megjithatë, nga opozita LSDM pretendojnë se lista nuk është pastruar, dhe derisa nuk është pastruar, ata nuk do të marrin pjesë në zgjedhje.

Lideri i OBRM-PDUKM, NikoLla Gruevski, në festimin e partisë, bëri thirjje te thirrje Komisioni Shtetëror të Zgjedhjeve të verifikojë votuesit në stilin e LSDM-së. /Telegrafi/