Kryeministri malazez dërgon në parlament kërkesën për shkarkimin e ministrit që mohoi gjenocidin në Srebrenicë

Sot, kryeministri i Malit të Zi, Zdravko Krivokapiq, paraqiti në Parlament një propozim për shkarkimin e Ministrit të Drejtësisë, të Drejtave të Njeriut dhe Pakicave, Vladimir Leposaviq.

Ai deklaroi në propozim që veprimet publike të Leposaviqit që nga zgjedhja për postin e ministrit në 4 dhjetor devijuan nga pozicionet zyrtare të qeverisë dhe marrëveshja e liderëve të tre koalicioneve fituese nga shtatori 2020, nënshkruar nga Krivokapiq, në emër të Koalicioni “Për Ardhmërinë e Malit të Zi”, “Paqja është kombi ynë” dhe Dritan Abazoviq, “E Zeza në të Bardhë “, e cila ishte baza e programit për formimin e qeverisë.

Lexo po ashtu Abazoviq reagon ashpër ndaj deklaratës së ministrit malazez rreth gjenocidit në Srebrenicë

Krivokapiq shpjegon se kjo marrëveshje përcakton se qeveria e re demokratike do të zbatojë me përgjegjësi të gjitha detyrimet e njohura ndërkombëtarisht, të zbatojë plotësisht dhe me përkushtim të gjitha reformat e nevojshme për anëtarësimin e plotë të Malit të Zi në Bashkimin Evropian.

“Në atë kuptim, respekti për gjykatat ndërkombëtare është thelbësor për të pranuar postulatet themelore civilizuese mbi të cilat bazohet BE”, tha Krivokapiq, duke shtuar se përgjigja e Leposaviqit ndaj gjenocidit të Srebrenicës kishte kontribuar në rritjen e tensioneve ndëretnike në Malin e Zi, raporton klix.ba.

Lexo po ashtu Ministri malazez i Drejtësisë: Haga fshehu provat e krimeve ndaj serbëve në Kosovë

Krivokapiq vuri në dukje se detyrimi i shkelur i Malit të Zi buronte nga Marrëveshja e Stabilizim-Asociimit me BE-në, e cila angazhoi vendin për bashkëpunim të plotë me Tribunalin e Hagës dhe shprehu mosrespektim të Rezolutës së Parlamentit Evropian mbi Srebrenicën dhe Deklaratës 2009 të miratuar nga Parlamenti i Malit të Zi.

Ai kërkoi dje dorëheqjen dhe filloi procedurën e heqjes së Ministrit të Drejtësisë, Vladimir Leposaviq për shkak të deklaratës së tij se do të pranonte që gjenocidi u krye në Srebrenicë, kur të vendos drejtësia e vërtetë pasi legjitimiteti i gjykatës në Hagë është i diskutueshëm, ku sipas tij, ka fshehur krimet e shqiptarëve ndaj serbëve në Kosovë. /Telegrafi/