Kroos rikthehet zyrtarisht te Gjermania, ftohet për ndeshjet ndaj Francës dhe Holandës

Mesfushori i Real Madridit, Toni Kroos është ftuar për dy ndeshjet e ardhshme miqësore të Përfaqësueses së Gjermanisë në muajin mars.

Kroos lëshoi ​​para disa javësh një koment në rrjetet e tij sociale për të konfirmuar rikthimin e tij në ekipin gjerman pasi njoftoi lamtumirën e tij më 2 korrik 2021.

Tani nuk ka shkuar shumë kohë dhe trajneri i Panzerëve, Julian Nagelsmann, e ka ftuar yllin e Real Madridit për dy ndeshjet e ardhshme të kombëtares.

Lexo po ashtu “Do të luaj sërish për Gjermaninë”, Toni Kroos njofton rikthimin në kombëtare

Gjermani do të ketë dy ndeshje miqësore kundër Francës më 23 mars dhe kundër Holandës më 26 mars përpara se të hyjë në Grupin A të Euro 2024 (Gjermani, Skoci, Hungari dhe Zvicër).

Me ardhjen e ‘8’-shit të Los Blancos, Nagelsmann do të ketë në dispozicion një listë me lojtarët që do t’i ketë zili e gjithë Evropa.

Mesfusha unike e gjermanëve përmban emra si Ilkay Gundogan, Leon Goretzka, Joshua Kimmich, Jamal Musiala dhe Florian Wirtz.

Emra të rinj në listën e Gjermanisë janë Maximilian Beier dhe Aleksandar Pavlovic. /Telegrafi/

Here we go! 🔥
Unsere 2️⃣6️⃣ für die Länderspiele gegen Frankreich 🇫🇷 und die Niederlande 🇳🇱! #dfbteam #FRAGER #GERNED pic.twitter.com/taOVVL47Gf

— DFB-Team (@DFB_Team) March 14, 2024