Kanë kaluar më shumë se dy muaj që nga përfundimi i zgjedhjeve të parakohshme parlamentare në Kosovë, kurse ende nuk është arritur të krijohen institucionet.
Përfaqësues të komunitetit të biznesit dhe ekspertë për çështje ekonomike, shprehin shqetësimin se situata ekonomike do të bartë pasoja më të mëdha nga gjendja aktuale politike.
Sipas tyre, kjo në radhë të parë do të ndikojë negativisht tek interesimi dhe ardhja e investitorëve të huaj në Kosovë.
Kryetari i Odës Ekonomike të Kosovës, Safet Gërxhaliu, thotë se një situatë e tillë, ishte edhe në vitin 2014, pas zgjedhjeve të përgjithshme, ku ngërçi politik pengoi formimin e institucioneve të vendit, për rreth gjashtë muaj.
E, kjo më pas rezultoi me rënie të dukshme të investimeve të jashtme.
“Është pothuajse i njëjti skenar i vitit 2014. Po, çka e karakterizon këtë periudhë kohore nga viti 2014 në vitin 2017, kanë ndodhur shumë pamje trishtuese nga Kosova, gazi lotsjellës, qoftë skenat nga Kuvendi dhe të gjitha këto kanë zënë vend nëpër hapësirat mediale që në mënyrë direkte i kanë demotivuar investitorët për të investuar në Kosovë”, thotë Gërxhaliu për Radion Evropa e Lirë.
Sipas të dhënave zyrtare në vitin 2014, investimet e huaja direkte në Kosovë kishin rënë në 151 milionë euro, vlera më e ulët në dekadën e fundit.
Edhe profesori në Universitetin e Prishtinës, Mejdi Bektashi, thotë se bllokada institucionale do të ndikojë në mosinteresimin apo edhe nëlargimin e investitorëve të huaj nga Kosova, pasi, siç thotë ai, kusht kryesor për ardhjen e investitorëve ndërkombëtar në Kosovë, është stabiliteti politik.
Bektashi, për Radion Evropa e Lirë, thotë se kriza aktuale politike mund të shndërrohet në krizë ekonomike.
“Moskrijimi i institucioneve bart më vete një vlerë financiare shumë të lartë për ngecje në zhvillimin ekonomik, por edhe ikjen e shumë investitorëve të huaj nga Kosova”.
“Formimi i qeverisë duhet të jetë sa më i shpejtë, nuk dua të përzihem në çfarë baze, por investitorëve të huaj dhe institucioneve ndërkombëtare financiare u intereson që një shtet të ketë një qeveri të caktuar”, konsideron Bektashi.
Ndërkaq, Safet Gërxhaliu shprehet se vendet e rajonit kanë krijuar klimë të favorshme për investitorë të huaj.
“Besoj që duhet të mësojmë nga vendet e rajonit. Po shihet rritja e investimeve të huaja në Shqipëri, Mal të Zi, Maqedoni sidomos në Serbi. Prandaj, duhet të mësojmë me këto përvoja, që vërtet të bëjmë më tepër për investitorë të huaj, sepse një ndër indikatorët kyç për zhvillim dhe qëndrueshmëri ekonomike, është pa mëdyshje indikatori i investimeve të huaja, qoftë në mënyrë direkt apo indirekte”, shton Gërxhaliu.
Të dhënat e fundit të Bankës Qendrore të Kosovës, tregojnë se deri në muajin maj të këtij viti, investimet e huaja kanë arritur në 103.7 milionë euro, kurse në të njëjtën periudhë të vitit të kaluar këto investime kanë qenë 90.3 milionë euro.
Tashmë kanë filluar të numërohen humbjet financiare nga zvarritja e krijimit të institucioneve të dala të nga zgjedhjet e 11 qershorit. Kosova ka humbur 15 milionë euro kredi nga Fondi Monetar Ndërkombëtar dhe më shumë se 50 milionë euro fonde nga Bashkimi Evropian. /REL/
Promo
Reklamo këtuLufta Prigozhin - Putin
Më shumëNga Rubrika
Shefja e USAID: Vlerësimi i Kosovës nga FITCH tërheqë investime të huaja
Franca është magnet për investitorët e huaj – cilat reforma i bëri për t’i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Përkushtimi ndaj pacientëve - historia e suksesit të KosovaMed në kujdesin paliativ sipas modelit gjerman
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak