Kovaçevski uron 8 Shtatorin: Planifikojmë t’i përfundojmë shumë shpejt negociatat me BE-në
Me rastin e Ditës së Pavarësisë së Maqedonisë së Veriut, kryeministri Dimitar Kovaçevski ka dërguar një mesazh urimi për të gjithë qytetarët e vendit, me mesazhin se të bashkuar në liri duhet të vazhdojmë perspektivat tona, sepse historia na mëson se për çdo hap të rëndësishëm përpara nevojitet bashkim.
Kovaçevski në fjalimin e tij thotë se planifikojnë që shpejt t’i përfundojnë negociatat me BE-në, përcjell Telegrafi Maqedoni.
“E presim këtë festë të madhe shtetërore, të bashkuar në një shoqëri të përbashkët në vend, si një anëtare dinjitoze e NATO-s dhe një anëtare e ardhshme e Bashkimit Evropian në planin ndërkombëtarë. Integrimet janë beteja e brezit tonë. Dhe kështu bëj thirrje të Bashkuar në Liri ti vazhdojmë perspektivat. Historia mëson se për çdo haptë rëndësishëm përpara është e nevojshme bashkimi”.
“Qytetarët maqedonas, shqiptarë, turq, vlleh, serb, boshnjak dhe romë dhe të gjithë të tjerëve, në referendumin historik të 8 shtatorit 1991, në mënyrë masive, të bashkuar, pavarësisht dallimeve etnike dhe politike, vendosën të jetojnë në një shtet i pavarur. Gjeneratat e atyre viteve të 90-ta me mençuri e morën mësimin nga Ilindenët dhe Asnomët, të cilët u bashkuan në luftën – për liri dhe shtet. U vendosën në krye të detyrës së tyre dhe u bashkuan në arritjen e pavarësisë, pa vënë në dyshim lirinë tashmë të fituar”.
“Ky është një shembull që tregon se sa i rëndësishëm është uniteti dhe çfarë do të thotë të kesh një lidership politik të mençur, të guximshëm dhe përparimtar, të përkushtuar ndaj përparimit të qytetarëve dhe shtetit. Sot, përballë pasojave të pandemisë dhe luftës në Ukrainë, me të cilat po përballet e gjithë bota, gjegjësisht siguria dhe arritshmëria deri te ushqimi dhe energjia, mund të konstatojmë se kemi ndërmarrë tre hapa të rëndësishëm në kohë”.
“U bëmë pjesë e NATO-s dhe siguruam vendin, në aleancën më të madhe të sigurisë, ku vendet anëtare në solidaritet mbrojnë njëri-tjetrin. Filluam negociatat me Bashkimin Evropian me krenari dhe me kokën lart, për të mbrojtur qartë dhe me zë të lartë pozicionet tona nga brenda në të njëjtën tryezë. Ne themeluam, së bashku me Serbinë dhe Shqipërinë, nismën Open Balkan, përmes së cilës siguruam një përmirësim serioz të bashkëpunimit rajonal, por edhe zhvillimin e ekonomive tona me shanse për përfitime të reja për qytetarët dhe kompanitë”.
“Bashkimi i qytetarëve është garanci për paqen e brendshme. Marrëdhëniet e mira fqinjësore janë garanci për paqen rajonale. Dhe bashkimi ynë mes 27 anëtarëve të Bashkimit Evropian është një perspektivë reale dhe e nevojshme për avancimin e cilësisë së jetës së qytetarëve, sipas parimeve dhe vlerave evropiane. Negociatat e nisura planifikojmë t’i përfundojmë me Bashkimin Evropian shumë shpejt. Po punojmë shumë dhe me dinamikë të shpejtë që qytetarët e Republikës së Maqedonisë së Veriut t’i bëjmë sa më shpejt pjesë të familjes evropiane”, thotë Kovaçevski në urimin e tij.
Ai në fund i fton qytetarët që të bashkohen rreth idesë së Republikës së Maqedonisë së Veriut, e cila sipas tij, po ecën me shpejtësi në rrugën evropiane./Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Hapi i fundit i Kosovës për anëtarësim në KiE, Serwer : Indinjata e Serbisë është e turpshme
"Kushtëzimi" i anëtarësimit të Kosovës në KiE, Musliu-Shoshi: Ndërkombëtarët nuk po kërkojnë asgjë çka nuk është dakorduar Kurti në marrëveshjen e Ohrit
“Në hava kam me t’çu se e kam vajzën deputete”, Deliu-Kodra me kritika të ashpra ndaj deputetes së LVV-së duke ia kujtuar rastin e 90-vjeçarit
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit