Kourtney Kardashian po shijon se si ajo dhe i fejuari Travis Barker gjetën më në fund dashurinë pasi ishin miq prej vitesh, në episodin e parë të “The Kardashians”.
Ndërsa asnjëri prej tyre nuk është i turpshëm kur bëhet fjalë për shfaqjet e tyre publike të dashurisë, Kourtney ka zbuluar se si ishte ajo që fillimisht bëri lëvizjen e parë në bateristin e “Blink-182”.
“Padyshim që më ka tërhequr gjithmonë Travis. Ai po vononte shumë për të më puthur”, tregon Kourtney, 42 vjeç, në episodin e parë, pasi shpjegoi se ata u afruan më shumë gjatë pandemisë.
Dyshja u takuan për një natë filmi, por pasi nuk arritën të bënin një lëvizje, Kourtney zbulon se si ajo shkoi për të bërë hapin e parë, shkruan DailyMail.
“Thash nuk kam kohë për këtë film maratonë. Kështu, bëra lëvizjen e parë”, u shpreh Kourtney.
“Travis është i dashuri im. Shtëpitë tona janë një bllok larg njëra-tjetrës. Ai ishte një nga miqtë e mi më të ngushtë për ndoshta tetë vjet. Ne stërviteshim bashkë, gjatë gjithë kohës. Thjesht ne bëjmë gjëra në nivel miqsh, mund të jemi vetvetja. Ne ramë në dashuri dhe, tani, ai është i dashuri im”, thotë 42-vjeçarja.
Kourtney nuk është e vetmja që flet për marrëdhënien as në shfaqje, pasi edhe Kris Jenner ka komentuar raportin e tyre gjatë shfaqjes.
“Është një marrëdhënie që nuk mendoj se dikush e ka parë të vijë, sepse ata e kanë njohur njëri-tjetrin për kaq shumë kohë”, thotë Kris.
Në fillim të këtij muaji, Kourtney dhe Travis tronditën fansat teksa u martuan në Las Vegas pas çmimeve “Grammy”, megjithëse bashkimi nuk është ligjërisht i detyrueshëm pasi ata u martuan pa licencë.
“The Kardashians” do të shfaqet premierë të enjten (14 prill) në Hulu pas 20 sezoneve të “Keeping Up With The Kardashians”. /Telegrafi/
