Kostumet me ngjyra, trendi që po ndjekin të gjitha femrat e estradës

Shumë prej femrave të estradës shqiptare tashmë mbajnë statusin edhe ‘blogere’.

Ato publikojnë në rrjetet e tyre sociale veshje më në trend të momentit, duke krijuar kështu impakt te ndjekësit e tyre të shumtë.

Duket se një nga trendet më të aplikuara të momentit janë kostumet me ngjyra, të cilat i kemi parë te shumë prej këngëtareve shqiptare së fundmi.

Në vazhdim ju prezantojmë me disa nga të famshmet që po aplikojnë një trend të tillë.

Nora Istrefi

https://www.instagram.com/p/BwULA0fl6RV/

Në një set fotografish të publikuara në rrjetin social Instagram, këngëtarja Nora Istrefi u shfaq mjaft atraktive veshur me një kostum të kuq.

Ajo kishte lënë hapur pjesën e dekoltesë, me çka kishte marrë një pamje edhe më seksi.

Tuna Sejdi

https://www.instagram.com/p/BxayDkghNde/

Një veshje të ngjashme thuajse e ka pasur edhe këngëtarja e njohur shkupjane, Tuna Sejdi.

Në festën e organizuar e për dyvjetorin e lindjes së djalit të saj, Tuna është dukur tejet tërheqëse në një kostum të kuq, kombinuar me një bluzë të bardhë.

Dhurata Dora

Edhe këngëtarja Dhurata Dora nuk i ka shpëtuar trendit të kostumeve sivjet.

Në klipin e saj të fundit me Soolking, “Zemër”, ajo shfaqet në një prej skenave e veshur me kostum blu, ndërsa lë të hapur pjesën e dekoltesë, me çka merr një pamje pak më provokuese.

Ariana Fejzullahu

https://www.instagram.com/p/BwCoxn2Brof/

Bashkëshortja e këngëtarit Ermal Fejzullahu, Ariana Fejzuallhu, është tashmë një ‘blogere’ mjaft e ndjekur në rrjetet sociale.

Në disa imazhe të ndara me ndjekësit, ajo ka pozuar me një kostum ngjyrë rozë, që vinte mjaft mirë në pah format e saj trupore.

Liberta Spahiu

Ndryshe nga të tjerat, moderatorja Liberta Spahiu zgjodhi të bardhën për paraqitjen e saj të fundit me kostum.

Ashtu si edhe disa nga femrat e lartpërmendura, edhe Spahiu kishte lënë të hapur pjesën e dekoltesë, duke u dukur mjaft tërheqëse. /Telegrafi/