Kot shkruajnë gazetat ndërkombëtare për udhëheqësit e korruptuar kosovarë. Kot opozita e dikurshme brohoriste shesheve të kryeqytetit se shteti nuk bëhet me hajna. Tash e tutje nuk u beson kush. Nuk vjedhin kosovarët! Ka shpresë që qindra milionët të kthehen sërish në Buxhet…
Ra një kuletë (ndërkombëtare) dhe u pamë. Ajo që ra në sy, në prapaskenat e ndeshjes Kosovë-Angli, ishte një kuletë e humbur dhe një tifoz i zhdukur. Tifozi i dehur u gjet të nesërmen në Maqedoninë Veriore dhe iku rasti që Policia e Kosovës të tregojë profesionalizmin e vet. Por, kuleta e tifozit Bruce është storje krejtësisht kosovare. Gjithçka ndodhi në mënyrën dhe kohën e duhur, sikur të ishte pjesë e fushatës parazgjedhore. Ra kjo ngjarje dhe u zbulua arsyeja përse gazetarët, sponsorët apo kushdo që të ketë paguar, paguan pa kursyer për tifozët anglezë gjatë qëndrimit të tyre në Kosovë. Disponimi i mirë nuk ra, as pasi i morëm katër gola. Nuk luhet për gola, bre!
Ngjarja me kuletën e cila ra nga xhepi i pasmë i tifozit anglez, është krejtësisht e vërtetë dhe, si e tillë, solli ngrohtësi në marrëdhëniet mes dy popujve, shteteve dhe tifozëve. “Dardanët” tanë dhe ata anglezë janë pararojë e kombit. Ndërkaq, sa i përket ngjarjes, ajo duket se ka rrjedhë kështu: tifozit anglez me emrin Bruce, prej pakujdesisë apo pse ishte i dehur, i bie kuleta nga xhepi i pasmë, derisa ai po ngutej për në kafeteri ku po pihej falas meqë mjaftonte të ishe anglez. Pastaj hyn në skenë “gjetësi i ndershëm”, i cili e vëren që nga larg kuletën. E kapi shpejt, mbase ende pa ra në tokë, nga frika se ndonjë “gjetës i pandershëm” mund të ishte më i shpejtë dhe i tërë rrëfimi për Kosovën të binte në ujë. Paramendoni po të kishte rastisur në vend të tij ndonjë politikan! Jo, mos e paramendoni, edhe pse pakkush beson se politika mund të na turpërojë më shumë se kaq!
Por, lëre krejt. Ku ka ndodhur të dalë në media se i është vjedhur kuleta ndonjë tifozi të futbollit në një vend të huaj?! Pra, nuk e hëngri njeriu qenin. Duhen rishkruar librat e gazetarisë. Kosovari kthen kuleten. Ky është lajm. Merreni me mend, tash e tutje askush nuk do të dyshojë se politikanët tanë e kanë dorën e keqe, sepse imazhi i kosovarit është ndrequr përfundimisht. Evropianët e rinj, bre! Atë që nuk e bëri Hashimi me Buxhet të shtetit, e bëri “gjetësi anonim dhe i ndershëm” i kuletës së tifozit Bruce.
“Më ra kuleta në rrugën kryesore në Prishtinë. Një djalosh hyn në lokal dhe ma ktheu pa më marrë asgjë. Sinqerisht, Kosova është e madhe”, shkroi ai në “Twitter”. Në kuletë kishin qenë pak a shumë, dy rroga kosovare, por djaloshi as që kishte shikuar. Ai është njëri nga heronjtë e (pas)ndeshjes Kosovë-Angli. Natyrisht, Bruce, nuk e kishte as idenë se ky rast do të bëhej lajm global. Në postimin e tij, ai për herë të parë e përdori edhe shprehjen: “Kosova është e madhe”. Kjo deklaratë mund të (keq)përdoret edhe politikisht. Pas kësaj, as ” Vuçiqi e Daçiqi nuk do të na lodhin më me akuza “EdiRamiste” për Shqipërinë e Madhe pa kufij, sepse tashmë doli termi i ri problematik, e ky është: “Kosova e Madhe”.
Anash politikën, por kur jemi te Anglia, mbetet e paqartë nëse ata kanë Kombëtare apo Përfaqësuese? Mbase, Kombëtare ashtu tipike, siç e kuptojmë ne nuk ka. Se aty janë edhe Skocia, Uellsi, Irlanda e Veriut…! Harrova ndonjë “Kombëtare” tjetër nga Britania e Madhe?
Anglezëve ju ka ra kresë. Krejt Anglia mezi po pret që Kosova të kualifikohet disi në finalen evropiane. Pastaj do të shihni se cili është rrëfimi i vërtetë për Kosovën. Askush deri sot nuk ka paguar ushqim dhe pije për tifozerinë angleze. Këtu e tutje, “pakoja” kosovare turistike, për tifozët, ku përfshihen pritje “speciale” për futbollistët, edhe më “speciale” për tifozët, me ushqim dhe pije pa pare, dhe siguri maksimale për kuletat e tyre, do të jetë gjithësesi atraktive në përmasa planetare.
Bota e kuptoi. Me pi pa hesap, e mos me pagu mundesh veç në “vendin mysliman” të quajtur Kosovë. Kështu na quajnë në Perëndim. Vend i moderuar mysliman. Kosova përndryshe është e të gjithëve. E të gjitha besimeve, e të gjithë popujve, e të gjithë shtetasve. Kanë thënë se Kosova është Turqi, se është Serbi, ndërkohë që për befasi të gjithëve, edhe nga Shqipëria, sidomos nga tifozeria, kanë filluar të brohorisin se Kosova është Shqipëri.
Përndryshe , me fitoren e Vetëvendosjes, në media prapë është hapur tema e Kombëtares dhe Përfaqësueses. Unë them se nëse fitojmë nuk është me rëndësi si e quajmë. Nëse humbim, po ashtu. Përqendrohuni në lojë, djem. Ka kush merret me rrëfimin për Kosovën. Më nuk paguan shteti, as që është me rëndësi kush paguan.
A thua? A mund të ketë qenë gjithë kjo veç një test, për (mos)liberalizimin e vizave? A e kaluam?
Promo
Reklamo këtuLufta Prigozhin - Putin
Më shumëSkandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
"Mendova se mi theu të gjithë dhëmbët" - Evander Holyfield zbuloi se cili boksier e goditi më fort
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën