Ministria e Bujqësisë, Pylltarisë dhe Zhvillimit Rural (MBPZHR) në bashkëpunim me Korporatën Financiare Ndërkombëtare (IFC), anëtare e Grupit të Bankës Botërore, kanë lansuar sot sistemin e sigurimeve bujqësore në Kosovë. Gjatë ceremonisë së lansimit të këtij sistemi është nënshkruar edhe kontrata e parë mes një kompanie të sigurimeve në Kosovë dhe një agrobiznesi.
Me këtë rast, ministrja e MBPZHR-së, Dijana Ziviq, ka thënë se me krijimin e sistemit të sigurimit për prodhimtarinë bujqësore, po krijohen mundësitë për menaxhimin e rreziqeve të ndryshme në këtë prodhimtari, duke i parandaluar apo minimizuar pasojat e tyre negative.
Ajo po ashtu ka treguar se Ministria e Bujqësisë do t’i subvencionojë fermerët në një pjesë prej 50 për qind të kostos për primet e sigurimit për bujqësi, në mënyrë që t’i bëjë ato më të përballueshme për fermerët, dhe për t’i përkrahur dhe mbrojtur bizneset e tyre bujqësore.
“Përmes këtij sistemi tashmë në formë të organizuar do të mbrojmë punën dhe të ardhurat e fermerëve në njërën anë, por edhe standardin e jetës së tyre të ndikuar nga humbjet eventuale të prodhimit ose cilësisë, në anën tjetër. Përmes implementimit të këtij sistemi ne do të arrijmë të ndikojmë edhe në rritjen e nivelit të qasjes në financa të sektorit të bujqësisë dhe zhvillimit rural, e bashkë me këtë do të ndikojmë edhe në rritjen e prodhimtarisë bujqësore në vend. Po ashtu ky sistem do të krijojë mundësi edhe për rritjen e eksportit të kësaj prodhimtarie dhe në zhvillimin ekonomik të vendit”, ka thënë ministrja Ziviq.
Ndërkaq, ambasadori i Austrisë në Kosovë, Gernot Pfandler, vlerësoi se me lansimin e sistemit të sigurimeve bujqësore, shënohet edhe fillimi i një bujqësie më produktive në gjithë vendin.
“Skema e sigurimeve në sektorin bujqësor është një prej atyre pjesëve që e plotëson mozaikun për zhvillimin e sektorit bujqësor në këtë vend në mënyrë që të ketë ngritje të prodhimtarisë bujqësore në vazhdimësi”, ka thënë Pfandler.
Në anën tjetër, Leah Soroka, menaxhere e Programit për Evropë dhe Azi Qendrore nga Projekti Agro-Finance në Bankën Botërore, tha se sistemi në të cilin kanë punuar bashkë me MBPZHR-në, është i domosdoshëm për fermerët kosovarë.
“Sigurimi i bujqësisë është një komponentë thelbësore për ta bërë sektorin e bujqësisë më konkurrues, për ta forcuar mjedisin e përshtatshëm dhe për t’i rritur aftësitë teknike në mënyrë që të ndihmohet në uljen e rrezikut. Sistemi i ri i sigurimit të bujqësisë do të ndihmojë në rritjen e besimit për sa i përket huadhënies në bujqësi dhe kjo do të ndihmojë pastaj në rritjen e produktivitetit dhe profitabilitetit”, ka thënë Soroka.
Në ceremoninë e lansimit të këtij sistemi kanë marrë pjesë edhe përfaqësues të Bankës Qendrore të Kosovës, të Shoqatës së Sigurimeve në Kosovë, përfaqësues të Kompanive të Sigurimeve në vend, si dhe fermerë dhe agrobiznese vendore, para të cilëve janë prezantuar edhe mënyrat e implementimit të sistemit të sigurimit për bujqësi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Nxitoni, vetëm edhe 4 vende të lira në kursin intensiv për kamerë “From Zero to Hero”
Përfaqësuesit e BQK-së takojnë zëvendësndihmës sekretarin amerikan të Thesarit, diskutohet thellimi i bashkëpunimit dhe fushat me interes
Po, po 31 vetura Dacia Logan shpërblim për konsumatorët nga ETC
Shije italiane në zemër të Prishtinës - Vapiano hapet së shpejti
50 brende botërore dhe 60 kuzhinierë pjesë e panairit Horeca - Frigo Deluxe
Produkte natyrale, vegane dhe organike për kujdesin e lëkurës - My Skin Project
Nxitoni, vetëm edhe 4 vende të lira në kursin intensiv për kamerë “From Zero to Hero”
Kush përfiton nga ulja e çmimit të energjisë elektrike?
Përkushtimi ndaj pacientëve - historia e suksesit të KosovaMed në kujdesin paliativ sipas modelit gjerman
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Notat e lojtarëve, Man City 1-1 Real Madrid: Lunin heroi i mbretërve
Komandanti suprem i NATO-s, Cavoli: Po i shtojmë forcat në Kosovë dhe Bosnje, po sjellim artileri të rëndë
Arrestohet një i dyshuar lidhur me rastin e ukrainases që u gjet e vdekur në autostradën Ferizaj-Prishtinë
Sir Alex Ferguson i ofroi lojtarit të Man United 100 mijë euro për t'u tërhequr nga futbolli
Hisen Berisha 'ngacmon' Adelina Ismailin në emision: "Ushtrinë time do ta bëj" ma ke kushtuar mua, sepse po e bëja ushtrinë në atë kohë
Mbretër për Ligën e Kampionëve, Real Madridi fiton ruletin e penalltive dhe eliminon kampionin