Konsiderohet si vakti më i rëndësishëm i ditës: Sa i dëmshëm është anashkalimi i mëngjesit
Me siguri keni dëgjuar se mëngjesi është vakti më i rëndësishëm i ditës dhe nuk duhet ta anashkaloni atë. Megjithatë, ritmi i ri i jetës ka ndryshuar shumë gjëra, kështu që njerëzit shpesh nuk kanë kohë për të ngrënë mëngjes. Pra, sa e keqe është në të vërtetë anashkalimi i mëngjesit?
Për rëndësinë e këtij vakti të ditës dhanë mendimin e tyre disa mjekë, prej të cilëve shumica ndanë mendimin se është e rëndësishme që mëngjesi të ketë prioritet, por ka edhe përjashtime.
Në disa raste, në fakt është në rregull ta anashkaloni ngrënien që në mëngjes. Kardiologu Stephen Sinatra shprehet se është e rëndësishme ta aktivizioni metabolizmin në mëngjes, por ajo që hani është më e rëndësishme sesa kur e hani.
Qëllimi juaj në mëngjes duhet të jetë të zgjidhni ushqime me vlera ushqyese që do t’ju ndihmojnë të ndiheni të ngopur dhe të kënaqur, në mënyrë që të mos jeni të uritur para drekës.
“Kur konsumohen ushqime me një indeks më të ulët glikemik, insulina juaj është automatikisht në kontroll më të mirë dhe trupi juaj thith lëndët ushqyese për një periudhë më të gjatë kohore”, shpjegon kardiologu Sinatra për LiveStrong.
Megjithatë, sipas nutricionistes Jayne Williams, anashkalimi i mëngjesit mund t’ju bëjë të dëshironi vakte jo të shëndetshme.
“Anashkalimi i vakteve shkakton uljen e sheqerit në gjak dhe për këtë arsye ju jep dëshirë (për ushqim), gjë që në 90 për qind e rasteve çon në mbikonsumim të sheqerit. Kjo ndikon më tej në nivelet e insulinës dhe mund të çojë në shtim të peshës, duke shkaktuar probleme të mëdha shëndetësore nëse kjo bëhet një praktikë e rregullt”, ka paralajmëruar ajo.
Gjithashtu, dietologia Williams thekson se nëse nuk jeni të uritur, nuk duhet të hani, por sipas profesorit klinik, Keith Thomas-Ayoob, është e rëndësishme të hani diçka brenda dy deri në tre orë nga fillimi i ditës. Kjo i jep kontroll shëndetit të qëndrueshëm të zorrëve dhe aktivizon sistemin tretës dhe sinjalizon metabolizmin tuaj që të fillojë të funksionojë. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës