Ministri i Punëve të Jashtme dhe Diasporës, Glauk Konjufca, ka dhënë një intervistë për prestigjiozen gjermane Stuttgarter-Zeitung.
Konjfuca ka folur për problemet e shumta me Serbinë, për shtetet brenda BE që akoma s’e njohin pavarësinë e Kosovës dhe për diasporën shqiptare.
Stuttgarter-Zeitung: Zoti, Konjufca, prej rreth dy javësh ju jeni në detyrë. Dini ndonjë vend të madh ndërtimi, ku ju duhet të punoni?
Glauk Konjufca: Qeveria jonë ka marrë detyrën në 4 shkurt. Ministria e Jashtme ka kaluar në një krizë të rëndë vitet e kaluara. Ka pasur një fushatë agresive të Serbisë, për të tërhequr njohjet e shteteve që kishin njohur pavarësinë. Prej tyre janë përfshirë 12 deri 15 shtete, të cilat shumica ndodhen në hapësirat e Paqësorit dhe në Afrikë.
Pra marrëdhëniet me Serbinë, mbesin si më parë problemi më i madh?
Ashtu si më parë ka tarifë të lartë për prodhimet serbe, si me asnjë vend tjetër. Kryeministri Albin Kurti ka paralajmëruar, që së këtë ta zëvendësojmë më masën e reciprocitetit. Në anën tjetër, Serbia na bën probleme në shumë fusha, duke na e vështirësuar jetën, si për shembull, kur bëhet fjalë për njohjen e dokumenteve të Kosovës.
Në fundjavë është nënshkruar një marrëveshje mes Kosovës dhe Serbisë rreth ndërtimit të rrugëve dhe hekurudhave. A është ky një fillim i ri?
Kjo ka ardhur si iniciativë e ambasadorit amerikan në Gjermani, Richard Grenell. Dialogu mes Kosovës dhe Serbisë duhet të vijojë nën ombrellën e BE-së. Shefi i diplomacisë së BE, Josep Borrell, ka paralajmëruar që do ketë një përfaqësues të ri.
Josep Borrell është spanjoll – Spanja nuk ka njohur pavarësinë e Kosovës është ky një problem?
Kush ka pozita brenda në BE, ai vepron i pavarur nga interesat e tashme nacionale. Disa bile shpresojnë për një përparësi të Kosovës, sepse zoti Borrell do demonstrojë pavarësinë e tij nga Madridi. Unë nuk e besoj këtë.
Krahas Spanjës, ka edhe shtete tjera të BE, të cilat nuk njohin Kosovën. Shihni aty ndonjë lëvizje?
Duhet të potencohet se ka dallime të mëdha mes shteteve, të cilat nuk na njohin. Me Greqinë kemi raporte të mira, ata na njohin edhe pasaportën. Me Sllovakinë dhe Rumaninë është në rregull, Spanja dhe Qiproja tentojnë të krijojnë pengesa për ne. Më ekstremistja është Qiproja.
Kryeministri juaj kërkon afërsi të madhe me Shqipërinë. Sa të afërta mund të bëhen këto lidhje?
Shtetet tona i lidhin shumë gjëra. Historia, kultura, gjuha, ne jemi një komb. Për këtë, bashkëpunimi për ne është shumë i thjeshtë. Ne mund të bëjmë shumë projekte me njëri-tjetrin, projekte për mirëqenien e të dyjave, që nuk do dëmtojnë asnjërin. Kjo vlen për ekonominë, turizmin dhe bujqësinë.
Flasim ne për bashkëpunim ose Bashkim?
Unë nuk mund ta shikoj të ardhmen, nuk e di çfarë do ndodhë në dekadat e radhës. Atë që mund të flas tani, ka të bëjë me thellimin e raporteve tona të mira. Për këtë punojmë.
Ju jeni edhe ministër i diasporës. Ku është diaspora më e madhe e Kosovës?
Në Gjermani. Atje jetojnë më shumë se 400 mijë kosovarë. Kurse qyteti me më shumë banorë të Kosovës është Baden-Württemberg me mbi 100 mijë.
A do dëshironit, që të gjithë që jetojnë në Gjermani të kthehen në vendlindje?
Unë dëshiroj, që të ulen largimet nga Kosova. Ne punojmë fort që të përmirësojmë kushtet e jetesës. Tek ne arsimi është i mirë dhe falas. Ne investojmë shumë para për arsimimin e banorëve tanë. Nëse këta shkojnë jashtë dhe atje përfiton nga aftësia e tij, atëherë është një humbje e madhe për shtetin tonë./Telegrafi/
Intervistën në gjuhën gjermane mund ta gjeni KËTU.
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Alarmi i Alicia Kearns për Ballkanin, politologët komentojnë deklaratën e deputetes britanike
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Hoxha: Peter Stano po e luan rolin e “kaubojit”
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit