Kryetari i Kuvendit të Republikës së Kosovës, Glauk Konjufca, takoi sot 47 diplomatë të karrierës së shteteve të ndryshme, të cilët po qëndrojnë në Kosovë në kuadër të Shkollës Pranverore për Diplomatë të Rinj, që organizohet çdo vit nga Ministria e Punëve të Jashtme dhe Diasporës.
Sipas njoftimit për media thuhet se para diplomatëve të 33 shteteve nga e gjithë bota, Konjufca fillimisht foli për punën dhe rëndësinë e Kuvendit si institucion dhe rolin e tij, e më pastaj edhe për rrugëtimin shumëvjeçar të Kosovës, si shtet i pavarur dhe sovran.
Ai tha se u desh shumë kohë që të arrihet pavarësia dhe ndërtimi i shtetit, duke e konsideruar veten, siç u shpreh kryetari Konjufca, si dëshmitar të ndryshimeve dhe lëvizjeve të mëdha në rajonin tonë në Ballkan dhe në Evropë.
“Sidomos ato vitet 1990-1999 ishin shumë të tmerrshme, sepse ne, sapo kaluam nga aparteidi i regjimit të Millosheviqit në gjenocidin e qartë të ushtruar mbi popullin tonë nga policia ushtarake dhe forcat paramilitare të shtetit të Serbisë. Pra, më kujtohen shumë mirë vitet e 90-ta, pastaj erdhi çlirimi dhe misioni i Kombeve të Bashkuara deri në vitin 2008, dhe tani po përjetojmë këtë fazë që ne e quajmë pas-pavarësi, le të themi epokë në vendin tonë, që është shumë e rëndësishme. Tani kanë kaluar 14 vjet nga shpallja e pavarësisë dhe ne po ecim përpara”, tha Konjufca para diplomatëve.
Kryetari Konjufca ka folur edhe për rrugëtimin e tij politik deri te zgjedhja kryetar i Kuvendit, duke theksuar synimet e qarta të shtetit të Kosovës.
“Pra ne jemi një vend që është i përcaktuar qartë në orientimet bazë në skenën ndërkombëtare, si për shembull aspirojmë anëtarësimin në BE, natyrisht, edhe në NATO, veçanërisht në këto kohë të vështira, pas agresionit të paprovokuar dhe brutal ushtarak të Rusisë kundër vendit të Ukrainës dhe popullit ukrainas. Ne qëndrojmë qartë me Ukrainën, dhe unë e dënoj ashpër këtë agresion rus kundër Ukrainës”, tha Konjufca, duke shtuar se Kuvendi i Kosovës e ka dënuar agresionin rus ndaj Ukrainës edhe me anë të një rezolute.
Në vazhdim, Kryetari i Kuvendit ka folur edhe për përparimin e Kosovës në respektimin e të drejtave të njeriut, të drejtat e komuniteteve pakicë dhe shumë çështje tjera, që shtetin tonë e renditin krah shteteve të BE-së.
Duke e falënderuar kryetarin Konjufca për pritjen, përfaqësues të diplomatëve të karrierës shprehën mirënjohjen e tyre për mundësinë që u është dhënë me Shkollën Pranverore për Diplomatët e Rinj dhe për përvojën e tyre në Kosovë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Gjendja shëndetësore e 20-vjeçarit që u ther me thikë në Ferizaj është stabile
Kurti ironizon me ushtrimet e ushtrisë serbe: Paraqesin ndotje të ajrit e tokës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel