Konfirmohet emri i lojtarit të parë që pritet të largohet nga Barcelona në verë

Barcelona pritet të bëjë ndryshime të mëdha për sezonin e ri, por para se të blihen lojtarë të rinj duhet të largohen disa aktual nga klubi.

Emri i parë që pritet të largohet nga gjiganti katalunas është ai i sulmuesit brazilian Vitor Roque, për të cilin Barcelona shpenzoi 40 milionë euro në afatin kalimtar të janarit.

Që nga ardhja e tij nga Athletico Paranaense, Vitor Roque mezi ka luajtur 310 minuta në fushë me fanellën e Barçës.

Lexo po ashtu United i gatshëm të ofrojë Greenwoodin dhe para për yllin e Barcelonës

Pavarësisht pritshmërive të krijuara nga nënshkrimi i tij, sulmuesi nuk ka arritur të zërë një vend në planet e Xavi.

Kjo situatë ka krijuar zhgënjim tek lojtari, i cili nuk e kupton pse klubi e shtyu ardhjen e tij nëse nuk kishte ndërmend t’i jepte mundësi.

Megjithatë Sport ka raportuar se Vitor Roque do të jetë lojtari i parë që do të largohet nga katalunasit dhe nuk bëhet fjalë për një huazim.

Klubi po pret ofertat dhe do të pranojë atë më të lartën financiarisht për ta lënë të lirë të largohet yllin brazilian.

Edhe agjenti i lojtarit ditë më parë konfirmoi se qëllimi është shitja e Vitor Roques pasi nuk e kanë në plane huazimin. /Telegrafi/