Artistja shqiptare me renome botërore, Dua Lipa, ka qenë e ftuar speciale për të performuar në Shqipëri, me rastin e 110 vjetorit të Pavarësisë së Shqipërisë.
Ajo mblodhi mijëra qytetarë, të cilët sfiduan temperaturat e ulëta për të ndjekur nga afër këngëtaren e famshme.
Në disa nga videot, u pa që 27-vjeçarja po dhuronte spektakël duke interpretuar disa nga hitet.
Foto: Screenshot/Instagram
Krahas kësaj, krijuesja e hitit “Levitating” mori vëmendjen me dukjen në një kostum të kuq të ndezur.
Ky njëherësh do të jetë koncerti i fundit i Lipës në kuadër të albumit “Future Nostalgia”.
Foto: Screenshot/Instagram
Ajo përgjatë këtij viti kishte realizuar plot 94 shfaqje nëpër vende të ndryshme në botë, gjersa e mbylli në mënyrën më të mirë të mundshme në trojet shqiptare.
Një ditë më parë duhet theksuar që Dua mori nënshtetësinë shqiptare nga presidenti i vendit, Bajram Begaj.
Foto: Screenshot/Instagram
Në konferencën para mediave, zeshkania u shpreh e lumtur që do të këndonte në Tiranë dhe shumë e emocionuar. /Telegrafi/
Foto: Screenshot/Instagram
Foto: Screenshot/Instagram
Foto: Screenshot/Instagram
