Komuna e Prishtinës kërkon ndihmë nga qeveria, ndërsa akuzohet për keqmenaxhim të buxhetit për qentë endacakë (Video)

Gjendja me qentë endacakë është vlerësuar alarmante dhe shteti duhet të reagojë së më shpejt që të jetë e mundur që të mos ketë më raste me fatalitet.

Gent Begolli, drejtor i Shërbimeve Publike në Komunën e Prishtinës ka thënë në emisionin “Përballje”, të transmetuar në RTV Dukagjini  se për dallim prej komunave tjera Komuna e Prishtinës bën trajtim shumë të rëndësishëm për qentë endacakë.

Madje, sipas tij, ka raste kur qentë endacakë nga komunat tjera kanë ardhur në Prishtinë dhe është rritur numri i tyre.

“Pra duhet ndihma e Qeverisë se Qeveria nuk mundet me qenë Qeveri e një vendi tjetër e komuna e Kosovës. Pra, Qeveria është e Kosovës dhe duhet me ju ndihmi komunave të Kosovës”, ka deklaruar Begolli.

Por, Dafina Paca, ligjëruese dhe hulumtuesë në Universitetin  Cardiff ka thënë se Komuna e Prishtinës duhet të jetë më transparente sa i përket menaxhimit të buxhetit për qentë endacakë.

Sipas saj deklaratat e kryetarit të komunës Shpend Ahmeti për gjendje emergjente janë të pa dobishme sepse  duhet të kenë parasysh shumë aspekte e të mos zgjidhet kjo me Facebook.

“Kryesisht buxhetin që e ka komuna asnjë cent nuk e ka deklaru se ku e ka shpenzu. 150 mijë euro ia ka dhanë Harilaqit kurrë s’ka raportu çka po ndodhë”, ka thënë Paca në emisionin “Përballje”. /Telegrafi/