Kombet e Bashkuara: Bota ka mbi 800 milionë njerëz të uritur

Organizata e Kombeve të Bashkuara (OKB) thotë, se 820 milionë njerëz në mbarë botën vuajtën nga uria gjatë vitit 2018.

OKB në raportin “Gjendja e Sigurisë Ushqimore dhe të Ushqyerit”, thuhet se shifrat kanë mbetur të pandryshuara në tre vitet e fundit.

“Përhapja e urisë në Amerikën Latine dhe Karaibe është ende nën 7 për qind, ajo po rritet ngadalë. Dhe në Azi, kequshqimi është në 11 për qind të popullsisë. Megjithëse Azia jugore kishte përparim të madh gjatë pesë viteve të fundit me 15 për qind, ende është nën nivelin e kequshqyerjes”, thuhet në raport, përcjell Telegrafi.

An estimated 820 million people do not have enough to eat, up from 811 million last year – third year in a row the number increase: UN report https://t.co/nvjKQh8AmP#hunger #SOFI2019 pic.twitter.com/bQQodfWecJ

— World Health Organization (WHO) (@WHO) July 15, 2019

Gjithashtu, dokumenti tregon se rreth dy miliardë njerëz kanë përjetuar nivele të moderuara ose të ashpra të pasigurisë ushqimore, që zënë 26 për qind të popullsisë botërore.

Raporti përfundon me udhëzime se cilat politika afatshkurtra dhe afatgjata duhet të ndërmerren për të mbrojtur sigurinë ushqimore dhe të ushqyerit gjatë episodeve të trazirave ekonomike ose në përgatitjen e tyre, siç janë integrimi i shqetësimeve të sigurisë ushqimore dhe të ushqyerjes në përpjekjet për zvogëlimin e varfërisë dhe transformime strukturore përfshirëse. /Telegrafi/