Koka e brazilianes nuk ka reshtur së rrituri që nga lindja për shkak të gjendjes së rrallë gjenetike

Një nënë, koka e vajzës së cilës vazhdon të rritet për shkak të një gjendjeje të rrallë gjenetike, thotë se ajo është ‘e bukur’ pavarësisht nofkave mizore që po ia vendosin njerëzit.

Kur Adalgisa Soares Alves mbeti shtatzënë me Graziely Alves Regis, ajo e dinte se diçka nuk ishte në rregull sepse luftonte me dhimbje të forta barku, raporton metro.co.uk.

Mjekët brazilianë i thanë asaj kur ishte tetë muajshe shtatzënë se kishte hidrocefalus, i cili është një grumbullim i lëngjeve në tru që shkaktoi presion dhe dëmtim të kafkës së saj.

Për shkak të gjendjes, koka e Graziely ishte më e madhe se mesatarja kur lindi dhe vazhdon të rritet pavarësisht operacioneve të shumta.

Asaj iu dhanë tre muaj jetë prej mjekëve, por Graziely i ka thyer pritshmëritë dhe pavarësisht se ka humbur shikimin dhe është e lidhur në shtrat si dhe nuk mund të flasë, ajo është ende gjallë në moshën 29-vjeçare.

Tani Adalgisa, 48 vjeç, thotë se vajza e saj është quajtur “fëmija gjigante” dhe vendosi të ndajë betejat e përditshme përmes mediave sociale.

“Nuk mendoj se është mizore, sepse “fëmijë” është një fjalë e dashur, por kur e thërrasin “kokën e madhe” ndihem e trishtuar”, tha nëna dhe shtoi se “por, gjëja më e rëndësishme është se unë dhe e gjithë familja dhe miqtë tanë e duam Grazielyn ashtu siç është”.

Dita e Grazielyt fillon në orën 7:00 me një lëngë kungulli të bërë në shtëpi, e ndjekur nga supë dhe një pastrim në orën 11:00 dhe përsëri në orën 18:00.

Njerëzit në të gjithë mediat sociale e kanë mbështetur Adalgisa dhe Graziely me Sarën duke komentuar, “kjo zonjë është një nënë e mrekullueshme”, dhe një person tjetër tha, “Zoti ju bekoftë shumë”. /Telegrafi/