Koeman zbulon prapaskenat se përse Laporta e do rikthimin e Messit te Barcelona

Emri i Lionel Messit ka qenë në buzët e shumë tifozëve të Barcelonës gjatë muajve të fundit, pasi mundësia që ai të kthehet në klub këtë verë vazhdon të rritet.

Kontrata e argjentinasit me Paris Saint-Germain skadon në fund të sezonit dhe pritet që ai të mos rinovojë, gjë që do ta linte të lirë për të gjetur një klub të ri.

Barcelona është favorit për të ri-nënshkruar Messin, megjithëse Ronald Koeman, i cili ishte në krye të ekipit të parë në kohën e largimit të argjentinasit, nuk beson se ai do të kthehet këtë verë, raporton ESPN.

Lexo po ashtu Dalin detaje të reja nga marrëveshja që po tenton Al Hilal ta arrijë me Messin

“Nuk mendoj se Messi do të kthehet te Barcelona. Busquets do të largohet, nuk do të qëndrojë as Jordi Alba dhe këta të tre janë miq të mirë. Nuk do të habitesha nëse do të shkonin së bashku në Miami ose Arabinë Saudite”, ka deklaruar trajneri holandez.

Koeman beson gjithashtu se Joan Laporta po përpiqet të përmirësojë imazhin e tij me kërkimin e nënshkrimit të Messit.

Lexo po ashtu Xavi i thotë Laportas se ose i transferon këta dy lojtarë ose asnjë

“Laporta dëshiron të ruajë fytyrën sepse ai njihet si njeriu që e la Messin të shkojë”, ka shtuar më tej ai.

Mbetet për t’u parë nëse Messi do të mbetet te Barcelona këtë verë, por duket se ka një besim në rritje se ata mund ta arrijnë marrëveshjen. /Telegrafi/