Rezultati i zgjedhjeve të 11 qershorit, vë në pikëpyetje themelimin e shpejtë të Qeverisë së re të Kosovës, parashikojnë njohësit e zhvillime politike.
Sipas tyre, rezultati e bën të domosdoshëm lidhjen e koalicioneve të reja paszgjedhore, në mënyrë që Kosova të mos futet në një ngërç të ri politik. Po ashtu, analistët nuk e përjashtojnë as mundësinë që Kosova të shkojë nga zgjedhjet në zgjedhje, nëse nuk formohet Qeveria e re.
Politologu Ramush Tahiri, tha për Radion Evropa e Lirë se pas rezultateve preliminare, është e vështirë të mendohet se formimi i Qeverisë së re do të ndodh shpejt, pasi që asnjë nga koalicionet apo partitë politike nuk kanë marrë votat e mjaftueshme për formimin e Qeverisë.
“Nuk mund të ketë një Qeveri pa Lëvizjen Vetëvendosje, sepse Lëvizja Vetëvendosje ka dalë monolite nga këto zgjedhje dhe ka dalë si subjekt i pastër. Dy grupet e tjera janë koalicione parazgjedhore të paqëndrueshme, që në të dyja [koalicionet] do të ketë krizë që të mërkurën ose të enjten, kur të dalin rezultatet edhe për numrin e deputetëve për secilin subjekt brenda koalicionit”, tha Tahiri.
Pas publikimit të të gjitha rezultateve, Tahiri thotë se mund të ketë krizë politike, por sipas tij, ajo që nuk duhet të ndodhë është që Kosova të mos e rrezikojë partneritetin e saj me miqtë ndërkombëtarë.
“Kosova obligimet që i ka marrë nuk mund t’i ri negociojë dhe riformulojë pa marrë parasysh kush vjen në Qeveri. Mund të jetë Qeveri e gjerë, mund të jetë Qeveri teknike, mund të jetë Qeveri gjithëpërfshirëse në rastin më të mirë, ose mund të jetë Qeveri e koalicionit ideologjik, por asnjë nga marrëveshjet ndërkombëtare dhe obligimet ndërkombëtare, nuk mund të vihen në dyshim”, tha Tahiri.
Për formimin e Qeverisë së Kosovës, janë të domosdoshme të paktën 61 vota në Kuvend.
Imer Mushkolaj, mendon se lidhja e koalicioneve paszgjedhore mbetet e pashmangshme nëse synohet të evitohen zgjedhjet e reja.
Sipas tij, nëse koalicioni i Partisë Demokratike të Kosovës, Aleancës për Ardhmërinë e Kosovës dhe partisë Nisma, nuk i ka votat për Qeverinë e re, do të duhet të ishte një mundësi tjetër që mandati t’i kalohej subjektit të dytë.
“Nëse koalicioni rreth PAN-it, si fitues i zgjedhjeve nuk mund ta krijojë Qeverinë dhe nuk do t’i ketë numrat për Qeveri, atëherë mbetet siç e dimë tashmë edhe në bazë të vendimit të Gjykatës Kushtetuese të viti 2014, në diskrecionin e Presidentit, që të vendos nëse kjo mundësi do t’i ofrohet grupit më të madh parlamentar, që mund të jetë një grup tjetër dhe jo ai rreth Partisë Demokratike të Kosovës”, tha Mushkolaj.
Mushkolaj mendon se një koalicion me një shumicë të thjeshtë nuk i duhet vendit pasi që sipas tij, Kosova dhe institucionet e saj para vetes kanë shumë çështje të rëndësishme, për të cilat duhen dy të tretat e votave të deputetëve, apo 80 vota.
Edhe Ramush Tahiri thotë se aktualisht nevojitet një koalicion i numrave dhe i grupimeve, në mënyrë që të krijohet Qeveria e re.
“Në periudhën e ardhshme, liderët politikë dhe subjektet politike do të bisedojnë me njëri-tjetrin për modalitetet. Modalitetet janë në dy drejtime; drejtimi i parë është ndarja e funksioneve në Qeveri të ministrave dhe zëvendësministrave dhe modalitetit i dytë është harmonizimi i programit qeverisës”, tha Tahiri.
Nëse përqindjet e votave të fituara kthehen në ulëse të Kuvendit, përbërja e re e legjislativit do të dukej afërsisht me 39 apo 40 deputetë të koalicionit të Partisë Demokratike të Kosovës, Aleancës për Ardhmërinë e Kosovës dhe partisë Nisma.
Pastaj, me 31 apo 32 deputetë të Lëvizjes Vetëvendosje. Kurse koalicioni i Lidhjes Demokratike të Kosovës, Aleancës Kosova e Re dhe Alternativës me 29 ulëse.
Ndërkaq, komunitetet mbeten në kuotat e njëjta, serbët marrin 10 ulëse dhe pakicat tjera po ashtu 10 vende të garantuara.
Zgjedhjet e parakohshme parlamentare në Kosovë u mbajtën më 11 qershor, që në to, sipas KQZ-së morën pjesë pak më shumë se 40 për qind e qytetarëve me të drejtë vote. /Rel/
Lufta Prigozhin - Putin
Më shumëNga Rubrika
Gjendet një person i cili ishte paraqitur i zhdukur në Vodno
Grafite “me përmbajtje të përçarjes”, shoqërohet në Polici i mituri në veri të Mitrovicës
Rrahje mes vëllezërve në Prishtinë e dhunë ndaj grave në disa rajone të Kosovës – raporti i plotë i policisë
Plagosja e katër personave, deklaratat e Policisë e Prokurorisë – gjithçka nga rasti në Lupç të Podujevës
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Të shtëna me armë në Lupç të Podujevës, katër të plagosur
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit