Klubi më i ri i Ligës Premier, Sheffield United ka pranuar 3 milionë funte hua nga familja e Osama Bin Laden

Sheffield United janë në një pozitë jo të mirë, pasi ka dalë që klubi ka marrë një hua prej 3 milion dollarësh nga familja e Osama bin Ladenit.

Sipas Daily Telegraph, një gjykatës i Gjykatës së Lartë po shqyrton një transaksion në mes të bashkëpronarëve Kevin McCabe dhe Princit Abdullah bin Musa’ad bin Abdul Aziz, i cili është anëtar i familjes mbretërore të Arabisë Saudite.

Është raportuar se në ditën e katërt të seancave dëgjimore, klubi mori një hua prej 3 milionë dollarësh nga ‘Project Delta’, që sipas gjurmimeve qon tek themeluesi i Al-Kaidës dhe familja e ish-udhëheqësit.

Barrister Andreas Gledhill QC, i cili përfaqëson ekipin e princit Abdullah, ka thënë se McCabe ishte i vetëdijshëm se nga ku kishte ardhur financimi,

Në fakt, mediumi Star Sheffield ka raportuar se McCabe e dinte se paratë kishin ardhur nga një burim tjetër, përkatësisht një anëtar i familjes së Bin Laden.

Pronarët e Sheffield United kanë secili nga 50 për qind të aksioneve në klub.

McCabe, 71 vjeç, u takua me Abdullah, 54 vjeç, në vitin 2013, kur ishte duke kërkuar që dikush të investonte në klub.

Abdullah pranoi të investonte 10 milionë funte në klub.

Gjyqi do të vazhdojë në javët e ardhme.

Bin Laden u vra në vitin 2011 në Pakistan. /Telegrafi/