Klopp thyen heshtjen më në fund pasi u bë me punë të re: Nuk doja ta ofendoja askënd

Jurgen Klopp mori një punë të re disa javë më parë, teksa u bë kreu i futbollit global në kompaninë e madhe Red Bull, e cila vetë zotëron disa klube futbolli dhe kjo u prit me kritika të ashpra.

Në veçanti, Klopp ka pësuar kritika nga vendlindja e tij Gjermania, ku u shpall tradhtar, pasi akuzohet se ‘shiti idealet’ duke pranuar të punojë në një ‘projekt artificial’, dhe tani trajneri gjerman ka folur për gjithçka duke thyer heshtjen.

“Sigurisht që nuk doja të ofendoja askënd dhe personalisht i dua të gjitha ish-klubet e mia. Nuk e di saktësisht se çfarë mund të kisha bërë për t’i bërë të gjithë të lumtur”, tha Klopp, i cili deri më tani përfaqësonte romancën e futbollit për gjermanët. teksa drejtonte nga pankina Mainz, Borussia Dortmund dhe Liverpool.

Ish-trajneri i The Reds e sheh punën e tij të re si një sfidë shumë emocionuese.

“Unë jam 57 vjeç dhe mund të punoj edhe disa vite të tjera. Të paktën për mua ishte gjithmonë e qartë se nuk do të isha tipi i njeriut që nuk do të bëja asgjë. Shpejt u shfaq historia për Red Bull, e cila për më ka bërë të ndihem i jashtëzakonshëm, duhet të jem i sinqertë”, vazhdoi tutje Klopp.

Gjermani nuk donte të mbronte politikën e klubit të Red Bull Leipzig, skuadra gjermane e Bundesligës me të cilën tani do të bashkëpunojë ngushtë dhe bashkëpunimi i të cilit me Red Bull është ngjitur në majat e futbollit evropian.

“Kështu është”, tha shkurt Klopp, duke mos dashur fare të futej në polemika.

Kujtojmë, Klopp u largua nga Liverpool pas nëntë vitesh në fund të sezonit të kaluar, pas së cilës njoftoi se e kishte ndërprerë karrierën e tij si trajner për një periudhë të caktuar.

Në punën e tij të re, Klopp do të mbështesë dhe ndihmojë krerët e RB Leipzig, RB Salzburg dhe New York Red Bulls, ndër të tjera, dhe në zhvillimin e mëtejshëm të filozofisë së futbollit të RB.

Ai gjithashtu duhet të përdorë rrjetin e tij në zbulimin dhe përzgjedhjen e trajnerëve dhe talenteve, duke përfshirë Brazilin dhe Japoninë. /Telegrafi/