Kjo është renditja në Ligën e Parë të Maqedonisë së Veriut pas xhiros së pestë

Fundjava që lamë pas në Maqedoninë e Veriut solli xhiron e pestë në program të Ligës së Parë në futboll.

Dy ekipet shqiptare, Shkëndija dhe Shkupi regjistruan fitore përballë kundërshtarëve të tyre, ndërsa Voska Sporti u ndal me barazim në qytetin e Kavadarit nga Tikveshi.

Renditja pas xhiros së pestë në Ligën e Parë të Maqedonisë vijon të kryesohet nga Brera e Strumicës me 12 pikë, po aq sa ka edhe Shkëndija (me një ndeshje më pak). Vendi i tretë mbahet nga Bregallnica me 9 pikë, duke u ndjekur nga Shkupi me 8 pikë dhe Tikveshi në pozitën e 5-të me 7 pikë.

Sileksi dhe Rabotniçki kanë nga 6 pikë dhe renditen në pozitat 6 dhe 7, ndërsa pas tyre vjen Makedonija Gjorce Petrov dhe Voska Sport me 5 dhe kryesisht me 4 pikë. Kampionët e vendit, Struga Trim Lum që kanë të zhvilluar vetëm dy ndeshje në kampionat këtë sezon, mbajnë pozitën e 10-të në renditje me 3 pikë, përderisa dy pozitat e fundit i takojnë Gostivarit me 3 pikë dhe Vardarit që ka tubuar vetëm 1 pikë deri më tani.

Xhiroja e radhës dhe e 6-ta në elitën e futbollit vendor është programuar të luhet me 2 shtator (e shtunë), me të gjitha ndeshjet nga ora 16:00./Telegrafi/