Kina po përgatit një agresion ushtarak në Tajvan

Kina gjithnjë e më shumë po zgjeron gjurmët e saj rajonale, ndërsa Pekini rrit përpjekjet për të zëvendësuar fuqinë ushtarake amerikane në Azi, një komandant i lartë i SHBA-së paralajmëroi Kongresin amerikan.

“Unë nuk mund të kuptoj disa nga aftësitë që ata po vënë në fushë nëse nuk është një sjellje agresive”, tha Adm. Philip Davidson, kreu i Komandës Indo-Paqësore të SHBA, në dëshminë e para Senatit.

“Unë i shoh ata duke zhvilluar sisteme, aftësi dhe një sjellje që do të tregonte se ata janë të interesuar në agresion”, tha Davidson, raporton cnn.

Davidson, i cili në seancë mbrojti kërkesat e buxhetit për miliarda dollarë rreth armatimit, tha se investimi në rritje ishte i nevojshëm për të parandaluar ambiciet ushtarake kineze në rajon.

Duke e përshkruar Kinën si “kërcënimin më të madh afatgjatë strategjik të sigurisë në shekullin XXI”, Davidson tha se Pekini ka kryer lëvizje gjithnjë e më kërcënuese, duke përmendur aktivitetin ushtarak kinez rreth Tajvanit, përgjatë kufirit të diskutueshëm me Indinë dhe madje edhe rreth ishujve të SHBA në Paqësor. /Telegrafi/