Kina “përshpejton përpjekjet” për ndërtimin e 700 laboratorëve – për të qenë në garën teknologjike me SHBA-në

Ndërsa tensionet ziejnë midis Kinës dhe SHBA-së, qeveria kineze synon të ecë një hap para nga rivali i saj në një garë përshkallëzimi teknologjie duke përshpejtuar ndërtimin e qindra objekteve të reja laboratorike.

Kështu, sipas medieve të huaja, përcjell Telegrafi, Kina ka filluar “shpejtimin” e procesit të ndërtimit të rreth 700 laboratorëve shtetërorë, të cilat planifikon të përfundojë deri në fund të vitit 2020, njoftoi të martën në South China Morning Post me qendër në Hong Kong, duke cituar gazetën shtetërore Ekonomike Daily.

Siç thuhet më tej, objektet kanë për qëllim “të shërbejnë si një forcë e rëndësishme për të udhëhequr hulumtime themelore”.

Ndryshe, sipas Newsweek, në vitin 2018, Ministria e Shkencës dhe Teknologjisë e kombit aziatik lëshoi një dokument që përcakton qëllimin e ndërtimit të laboratorëve.

Ky dokument shpjegoi që objektet “do të përqendroheshin në teknologjinë [më] të përparuar në botë dhe zhvillimin afatgjatë të kombit”.

Ndërkohë në fillim të këtij muaji, presidenti kinez, Xi Jinping, theksoi nevojën e Kinës për t’u mbështetur në vetvete dhe zhvillim teknologjik gjatë një udhëtimi në provincën Jiangxi.

Të premten e kaluar, SHBA zbatoi sanksione të reja ndaj 33 institucioneve dhe kompanive qeveritare kineze, dhe më parë ka ndaluar përdorimin e disa teknologjive kineze brenda SHBA, duke përmendur shqetësimet e sigurisë.

Tensionet midis SHBA-së dhe Kinës janë rritur që kur presidenti Donald Trump mori detyrën në 2017.

Nën udhëheqjen e tij, SHBA nisi një luftë tregtare shumë-miliardë dollarëshe kundër Kinës në vitin 2018, e cila u duk se po shkonte drejt një rezolute në janar, kur u nënshkrua një fazë një marrëveshje tregtare midis dy vendeve.

Gjithashtu, ndërsa pandemia e coronavirusit është përhapur në të gjithë globin, dhe SHBA është bërë kombi me numrin më të madh të rasteve dhe vdekjeve të konfirmuara, administrata e Trump ka fajësuar vazhdimisht Kinën.

Virusi i ri u zbulua për herë të parë në qytetin kinez Wuhan, dhe zyrtarët kinezë fillimisht mbuluan shpërthimin.

Që atëherë, Kina është akuzuar për mungesë transparence dhe thuhet se ka “shtypur” kërkimet mbi origjinën e virusit.

Veç kësaj, drejtuesit kinezë kanë hedhur poshtë kritikat nga SHBA, duke argumentuar se administrata Trump po përpiqet të heqë fajin për përgjigjen e saj të ngadaltë ndaj shpërthimit. /Telegrafi/